拉涅里馬兹利

出自維基百科,自由嘅百科全書
Jump to navigation Jump to search
拉涅里馬兹利

拉涅里馬兹利葡萄牙文Ranieri Mazzilli1910年4月27號1975年4月21號)係巴西律師同政治人,巴西聖保羅州卡孔德(Caconde)出世。佢喺1958至1965年係巴西眾議院議長。

佢先後兩次擔任總統。第一次係1961年,由於總統真尼奧夸德羅斯突然喺8月25號請辭,嗰時副總統祖奧高拉特中華人民共和國進行國事訪問,所以由佢代任總統兩星期至9月7號。而第二次就係喺1964年,做咗總統兩年半嘅高拉特4月1號喺軍事政變中被推翻,所以由佢再次出任總統,但短短十三日後被迫將權力移交畀軍政府,做返下議院議長,巴西軍事獨裁時期正式開始。1975年喺鄉下病逝。