拉篩

出自維基百科,自由嘅百科全書
跳去導覽 跳去搵嘢

拉篩係一個關於球類運動技巧嘅術語,佢嘅意思係球員能夠以手腳或工具將係個波度落,以達到個波喺空中傳送時會有微微轉向嘅動態,令對手難以招架而失手/失分。

最常見嘅係踢足球時,當球員想個波以一個向左或者向右嘅弧形曲線彎出去,球員揮腳時就要向住個波嘅施轉點用腳嘅一邊批埋去;

例如用左腳起腳射波嘅球員,當佢想個波彎曲咁飛去右邊,咁佢腳趾公嘅一邊腳一定要對住波嘅左邊大力咁批埋去,咁個波就會喺空中以右至左方向急旋轉,由伯努利原理(Bernoulli's principle),個波會順住磨擦嘅方向一路向右彎出去;相反,想個波向左飛就要對住個波嘅右邊以腳趾尾嘅一邊腳大力批個波。

乒乓波時,球員就會用個球拍摩擦個飛嚟嘅乒乓波,想個波微微彎左或者落檯時急彈去左邊,就要用球拍由左至右咁擦個波出去,令個波急旋與空氣磨擦;相反嘅就要以相反方向進行。

拉篩拉得理想同埋拉得湊效其實可以話係一門藝術,所以就算係世界級嘅職業球員,佢哋都要經常鍛練哩種技巧,以求達到控制自如,得心應手,喺比賽嘅時候希望可以一擊即中。