拔布奇諾

拔布奇諾（Puppuccino），或者叫做瓜布奇諾，係一啲西方國家嘅咖啡店入面，提供畀狗嘅嘢飲。佢起源係喺星巴克，有時會被形容為星巴克神秘餐單嘅一部分，但佢其實只係一杯鮮忌廉 。

有部份觀點認為，拔布奇諾出現嘅原因，係因為狗狗主人喺咖啡店食嘢嘅時候，狗狗往往會眼金金咁望住主人，好似控訴緊主人忍心獨自享受美食咁樣，所以為咗滿足狗狗嘅要求，出現咗拔布奇諾。

除非狗狗有消化系統問題，偶然畀狗狗飲杯拔布奇諾作為特別獎勵，並無太大問題。不過唔同狗狗嘅身體狀況都唔同，所以主人都需要留意。

另外，對於一啲狗狗嘅主人或者其他網民嚟講，狗狗飲完拔布奇諾之後個鼻同嘴都佈滿忌廉，係一個幾得意嘅樣。

睇埋

• 人狗關係