拼貼畫

拼貼畫（粵音：ping3 tip3 waa2）係用黐膠將實物貼喺畫面上嘅一種做法，仲有佢獨特嘅繪畫意義。

拼貼有時會包括雜誌同報紙嘅剪報、絲帶、油漆、彩色或手工紙片、其他藝術品或文字嘅一部分、相片或者其他嘢，然後將佢哋黐喺一張紙或者畫布上面。拼貼嘅起源可以追溯到幾百年前，但係呢種手法喺20世紀初作為一種新嘅藝術形式重新出現。

呢個手法係由1911年喬治·布拉克發明，1919年喺德國嘅包浩斯（Bauhaus）由沃爾特·格羅佩斯（Walter Gropius）教授推廣，之後就傳到美國同日本等國家。因為有佢獨特嘅繪畫意義，所以同一般嘅「剪畫」「貼畫」唔同。

常用材料

「貼紙」或者貼「粗砂」、「木片」、「五金」、「鏡片」、「線」等

感觀效果

令睇嘅人摸唔著頭腦，覺得難解又奇怪。等觀眾諗「呢個係咩意思呢？有咩意義存在呢？有咩用呢？」咁樣嘅問題。

派別

以立體派、超現實派或抽象派作品為主

立體派

主要係發揮同保存繪畫嘅技巧同內容，將所有嘢打散，然後再組合返，提高繪畫上嘅造型意義、顏色嘅變化，注重對象「質感」嘅表現，希望捕捉到繪畫嘅效果，提高畫面效果，有佢嘅繪畫價值。最常見係貼紙張或者報紙。立體派始祖係世界知名畫家喬治·布拉克（Georges Braque），1911年因為受壁紙嘅啟發而流傳到今日。

超現實派

係一種有建設性同帶有文學意義嘅藝術，主要係提高文藝嘅效果，想透過貼喺畫面上嘅物質，形成一種語言，構成一種文學內容，或者將畫面變成造型或者裝飾嘅作用。貼上去嘅嘢，成日都喺畫面上佔有一個對象嘅位置。形式同主題嘅意義都會因為貼嘅物質而有唔同。係畫面構成美嘅發展。

睇埋

心情板

連結