推理故仔
提示：呢篇文講嘅唔係偵探故仔。推理故仔（英文：mystery fiction）係一個文類，指講述解決謎題嘅故仔。啲謎題唔一定係罪案，不過通常都係謀殺案，而且通常去到故仔結尾先會解開。推理故仔可以有超自然要素。
推理故仔有未解決嘅謎題，自然會有懸疑要素，所以有時會叫做懸疑故仔；不過好多故仔都有懸疑要素，叫懸疑故仔好容易令人誤解，叫推理故仔明確好多。
同偵探故仔嘅分別[編輯]
推理故仔成日同偵探故仔混為一談，好多時都當係同一個文類，不過兩者嚴格嚟講係有分別嘅。推理故仔唔一定有犯罪，唔一定有偵探或者執法人員；而偵探故仔一定有犯罪，一定有偵探或者執法人員。偵探故仔屬於犯罪故仔，亦同時係推理故仔。
