插針樓

九龍城喺啟德機場搬走後起咗唔少插針樓

比起隔離零舍高嘅插針樓

插針樓，又叫牙籤樓，係喺香港用嚟俗稱一啲地盤面積細少，而比起側邊零舍高嘅單幢式樓宇。

點解出現

插針樓通常喺舊區比較常見，因為以前啲唐樓呢啲民居都無咁高，但中間某塊地仔俾人收購重建之後，地積比又鬆咗（譬如屬於甲類嘅地盤），就會出現好似「插針」落一個鄰里嘅現象。

有咩利弊

呢排因為房屋供應不足，除咗私人發展商，政府都諗過某啲公屋咁樣起。雖然咁樣可以畀多啲人住，不過亦會引起屏風效應、交通配套不足、仕紳化諸如此類嘅問題。