𡳞

出自維基百科,自由嘅百科全書
(由跳轉過來)
跳去: 定向搵嘢

 𡳞粵拼lan2 [1],粵語陰莖噉解,呢度係講粵語粗口嘅解釋。

亦有人借用「」字嚟代替原字,呢個字讀作nan2,係解作把玩、捏取、搓弄之類嘅動作,有所謂「撚手小菜」、「撚雀」(嗜好係養)、「撚化」(俾人整蠱),而講粗口時就讀做lan2,係指男性嘅性器官:

呢個字嘅正體字係寫「𡳞」(「尸」字下面加個「粦」),而現今嘅俗寫都有「𨶙」(「門」字入面加個「能」)嘅寫法。

粵語粗口入面,「𡳞」字同「」字嘅主要意思係相通嘅。

  • 作名詞用,「陽具」嘅意思,量詞係「條」或者「碌」。例子:
  1. 大家男兒一條𡳞(大家男性都係一條陽具。)
  2. 你知唔知日本某個縣入面每年都有個陽具祭?過節嗰日呀,班村民重會托住好大碌木造嘅𡳞出嚟遊行慶祝添喎,幾得意呀!
  • 語氣助詞,本身冇意思,用作加強語氣。例子:
  1. 玩𡳞完!(一切都完嘞、冇嘞,或者失敗咗;係取材自打機嘅「遊戲完咗」,Game Over
  2. 你頭先拍我膊頭做乜𡳞嘢呀我屌你老母(呢句說話係摘自巴士阿叔事件片段裏面嘅其中一段。句中嘅「做乜𡳞嘢」照字面咁睇,可以解釋為問某人做乜搓弄、玩弄一啲物件,但呢度作為粗口嘅助詞就變咗冇實質意思,只係用嚟加強語氣。從呢句說話之中,其實係可以感受到當時個巴士阿叔嘅怒意係幾咁重。)

作為語氣助詞,「𡳞」嘅用法同「」、「」及「」字相同,不過可能順口嘅關係,用佢嚟做加強語氣嘅頻率可以話係最多;佢同樣可以作為顛倒句子嘅意思。

文法[編輯]

就「𡳞」字嘅應用方式嚟講,同「」一樣其實都係指陽具,但喺深層意義嚟講就有多少唔同:「𡳞」係指未扯旗軟軟哋嘅陽具,而「」就指扯咗旗硬硬嘅陽具,不過因為日常講粗口嘅時候都唔會去太過深究,但求順手拈來即時產生效果,所以就索性劃一咁解釋。

至於「𡳞」字(或者「」、「」、「」字),唔似得「」字咁可以喺日常單獨咁使用,即係話好少有人會喺冇上文下理嘅情況下單單講個「𡳞」字,因為咁樣係冇意思嘅,除非有人用佢嚟當人名咁稱呼人就唔同講法。

「𡳞」作名詞用嘅其它例子[編輯]

  1. 好大碌𡳞(好大條嘅陽具。)
  2. 索女含𡳞好難忍(靚嘅女性含住條陽具,嗰種快感令人好難忍受。)
  3. 關你𡳞事(等於:「關你咩事?/同你條陽具有關咩?」,等同普通話嘅「干你鳥事」(鳥喺中國人圈子入面可以暗喻為陽具);而呢個詞語入面嘅「𡳞」字係可以同「」、「」同埋「」互相交換嚟用)

「𡳞」字單單噉用係指陽具,因為噉,佢亦可以同其它字詞去組成關於陽具嘅嘢,好似:

  1. 𡳞頭(即係龜頭)
  2. 𡳞皮(即係包住龜頭嘅包皮
  3. 𡳞毛(即係陽具旁邊嘅陰毛)
  4. 𡳞屎(即係喺陽具捽出嚟嘅老泥
  5. 用嚟指其它動物嘅陽具,好似「𡳞」、「𡳞」、「𡳞」…等。

「𡳞」作助語詞用嘅其它例子 1:一般用法[編輯]

「𡳞」字之所以最多人用,係因為佢用作詞氣助詞嘅時候係好易上口、最能填補句子嘅空隙。作為語氣助詞,通常會放喺句子嘅形容詞、動詞同埋名詞前面(不過就極少會放喺一句話嘅最前頭),用嚟加強句子嘅語氣,例子:

  • 擺喺形容詞前面:
  1. 條友好過癮 → 條友好𡳞過癮(嗰個人好有趣。「過癮」係形容詞。)
  2. 好好玩呀!? → 好𡳞好玩呀!?(好好玩咩?「好玩」係形容詞。)
  3. 好屌呀! → 好𡳞屌呀!(好屌「屌」係形容詞。)
  4. 好正呀! → 好𡳞正呀!
  • 擺喺名詞前面:
  1. 食屎 → 食𡳞屎(呢度嘅「」係指排泄物,名詞。)
  2. 呢啲係咩紙巾? → 呢啲係咩𡳞紙巾?(「紙巾」係名詞。可能啲紙巾一拉出嚟就爛,所以發脾氣咁講。)
  3. 行運 → 行𡳞運(「運」,運氣,係名詞。即係話人行埋啲狗屎運,好似好好彩咁嘅意思。)
  • 擺喺動詞前面:
  1. 唔食 → 唔𡳞食(「食」係動詞。)
  2. 你咪行住 → 你咪𡳞行住(「行」係動詞。)

「𡳞」作助語詞用嘅其它例子 2:顛倒用法[編輯]

另外「𡳞」字加入一個句子入面,係可以令到嗰句嘢變咗相反嘅意思,用法同「語氣助詞」差唔多。例子:

  • 有用 → 有𡳞用(變咗「冇用」嘅意思。) 
  • 係 → 係𡳞(變咗「唔係」嘅意思。呢個係特別嘅例子,因為作為語氣助詞,𡳞字好少會放喺句尾。)
  • 有飯食 → 有𡳞飯食!(變咗「冇飯食!/邊有飯食!」嘅意思。)
  • 見到你 → 見𡳞到你!(變咗「見唔到你!」嘅意思。)
  • 關你事 → 關你𡳞事!(變咗「唔關你事」嘅意思。)

「𡳞」作助語詞用嘅其它例子 3:重點擺位[編輯]

重有,將「𡳞」字夾雜入一個句子嘅唔同位置,係可以表達出唔同嘅重點,例子:

  • 「好想搞大佢嚟玩!」(好想將件事搞大;有要睇吓其他人點樣收拾嘅意味。)
→ 好𡳞想搞大佢嚟玩!(呢個係比較正常嘅講法,重點係在於「好想」。)
→ 好想搞𡳞大佢嚟玩!(重點在於「搞大佢」。)
→ 好𡳞想搞𡳞大佢嚟玩!(略嫌累贅,但係就加強咗「好想搞大佢」嘅決心。)
  • 「唔係咁化學下話?」(用緊一樣,點知估唔到咁快就壞咗、爛咗〔化學〕,感到好嬲同失望嘅感嘆。)
→ 唔𡳞係咁化學下話?(重點係反問,帶有責怪件嘢嘅生產商方面嘅意味。可能件嘢係假貨,用兩吓就壞咗。)
→ 唔係咁𡳞化學下話?(重點係引致損壞呢件事,有「點解會壞」嘅責問。可能喺用法方面已經依足說明書,或者喺正常嘅情況之下都竟然出問題而壞咗。)
→ 唔係咁化𡳞學下話?(重點係在於件嘢損壞嘅情況,有「可以咁壞法?」嘅意味。可能喺旺角女人街係買咗隻行針返嚟,點知戴咗冇幾耐入面啲指針就甩晒出嚟。)
→ 唔𡳞係咁𡳞化𡳞學下話?(呢句嬲嘅語氣可以話非常之明顯。可能講嘅呢個人佢用咗幾百蚊喺女人街買咗隻假嘅勞力士錶,諗住好好哋都可以用嚟扮吓三幾年闊佬,點知戴咗幾日啲指針同個皇冠都甩晒出嚟,情況超乎想像咁離譜,於是百感交集咁講。)

常見嘅單獨字句應用[編輯]

  • 含𡳞 用口含住陽具,係一個動作;但係用嚟侮辱人哋嘅多,包括埋同性。例如:叫你搬少少嘢都嗌重,唉你含𡳞啦!(要注意,因為語帶侮辱,千祈唔好同老婆或者女朋友講:「老婆/打令,我想妳幫我含𡳞~」,咁樣講係帶有好重嘅覺得人低賤嘅語氣,係好唔尊重對方嘅表達。)
  • 𡳞樣 好似陽具咁嘅樣。用嚟鬧人,尤其係指男性。视频解析
  • 懵𡳞 傻更更成日撞板嘅人。意思比較粗俗,又係鬧人用。
  • 把𡳞 用手扶住陽具。多數形容一件事冇意思,或者係冇成功率。例句:佢整壞你部腦,你鬧我把𡳞呀?(係佢整壞你部電腦,你鬧我做咩呀?)
  • 唔𡳞化 思想守舊古板,唔開化。
  • 𡳞就 呢個用「𡳞」字擺前頭嘅助詞,其實係來自「罷𡳞就」,同義詞係「算𡳞數」,即係由得你、隨便你嘅意思,只不過啲人將佢簡化咁講,並唔屬於將個「𡳞」字擺頭嚟助語嘅例子。

[編輯]

相關連結[編輯]