擔保有限公司
 | 呢篇文 需要熟悉呢方面嘅人幫手寫。 |
擔保有限公司（英文：company limited by guarantee），又叫擔保公司或者保證公司[1]（guarantee company[2]），係有限公司一種，但係冇股份，所以亦冇股東，只有擔保人[3][4]（有啲人會用 ｢股東｣ 字眼[1]，其實係指擔保人），而擔保人要負嘅責任，係限於公司無法償還債務[4]或者要清盤嗰陣，負起應承咗負責嘅資本額[3][5][6]，叫擔保金（guaranteed amount[4]），但係擔保金可能只係一個好細嘅金額[6]。擔保有限公司係一種普通法嘅概念，有啲似大陸法系嘅基金會[6]。
擔保有限公司通常係用來減低非牟利組織嘅風險，同時提高組織嘅公信力[7]。
擔保有限公司通常都係非牟利[1][8]，但亦有牟利嘅擔保有限公司，例如，世界四大會計師行嘅母公司（德勤[9]、安永[10]、畢馬威[11] 同羅兵咸永道[12]）全部都係擔保有限公司；保柏亦係擔保有限公司[13]。
雖然係普通法嘅嘢，但係並唔係所有行普通法嘅地方都有擔保有限公司，例如，喺加拿大淨得亞省[14]同斯高沙省[8]有爾樣嘢（以前多啲，後來冇咗），大部分省份都冇。
另外，有啲地方可能有有股份嘅擔保有限公司[6]，喺爾啲地方，冇股份擔保有限公司又叫純擔保公司[暫譯]（pure guarantee company[15]），而有股份嘅擔保有限公司又叫混合式公司[暫譯]（hybrid company[6]）。
注意，雖然部分免稅嘅慈善團體都係擔保有限公司，但係擔保有限公司同慈善團體係唔同概念，註冊做慈善團體要向稅務局申請[3][7]。
睇埋
[編輯]參考
[編輯]- 1 2 3 〈香港保證（擔保）公司簡介〉 (香港中文)。啓源會計師事務所。喺2023年6月12號搵到。
- ↑ "company limited by guarantee". Termium Plus (加拿大英文). Government of Canada. 喺2023年6月12號搵到.
- 1 2 3 4 〈擔保有限公司〉 (臺灣中文)。HKWJ稅法合夥有限公司。2022年11月8號。喺2023年6月11號搵到。
- 1 2 3 "Shareholders and guarantors" (英國英文). UK Government. 喺2023年6月12號搵到.
- ↑ 〈辦理新公司的註冊〉 (香港中文)。香港公司註冊處。喺2023年6月11號搵到。
- 1 2 3 4 5 "Gibraltar Companies Limited by Guarantee: do they fulfill the function of Foundations and Trusts" (PDF) (英國英文). 2004年7月22號. 歸檔時間2004年10月23號. 喺2023年6月12號搵到.
{{cite web}}: CS1 maint: unfit URL (link) - 1 2 〈甚麼是 NGO？為甚麼要成立 擔保有限公司？〉 (香港中文)。香港非牟利組織發展中心。喺2023年6月11號搵到。
- 1 2 "Company: Registry of Joint Stock Companies requirements" (加拿大英文). Government of Nova Scotia. 喺2023年6月12號搵到.
- ↑ "Terms of Use" (美國英文). Deloitte. 註腳. 喺2023年6月12號搵到.
- ↑ "Legal Statement" (美國英文). Ernst & Young Global Limited. 原著喺2023年6月12號歸檔. 喺2023年6月12號搵到.
- ↑ "Governance" (美國英文). KPMG. 喺2023年6月12號搵到.
- ↑ "What is 'PwC'?" (美國英文). PriceWaterhouseCoopers. 喺2023年6月12號搵到.
- ↑ "Terms of use" (英國英文). Bupa. About us. 喺2023年6月13號搵到.
- ↑ "Incorporate a non-profit company" (加拿大英文). Government of Alberta. 喺2023年6月12號搵到.
- ↑ "pure guarantee company". Termium Plus (加拿大英文). Government of Canada. 喺2023年6月12號搵到.
