施拜也線
施拜也線（德文：Speyerer Linie）係現代嘅德語研究當中涉及到嘅一條同言線，劃過個西日耳曼方言連續體，分開上德語戥中德語區。
施拜也線亦都喊做Appel/Apfel線（「蘋果」，發音嘸同），通常着認爲係中部德語區嘅南部邊界線，個區北部係褦住扁剌線。南過施拜也線嘅係上德語方言區。由於施拜也線穿過美茵河好多輪、喺否律伯（Faulbach）、 弗萊敦壁（Freudenberg）同大亥伯（Großheubach），所以佢亦都喊做美茵線。喺施捌瑟地區，當地人喊條線做Äppeläquator（「蘋果赤道」）。
標誌同走向[編輯]
南過施拜也線啲方言，即上德語，有高地德語輔音變化多過啲北過條線嘅方言：/p/ →/pf/ (「Appel」變「Apfel」, 「Pund」變「Pfund」) ，但呢種輔音音變仲嘸係最完整嘅變化。衹係喺德語區嘅南緣，喺高地阿勒曼尼話同蒂羅律話當中，/k/ → /kx/ 噉變埋先叫完整。
戥兩外兩條同言線即卡遏士魯厄線同劇嘜士咸線一樣，施拜也線亦都開始於孚日；所有三條線都喺白堡附近穿過萊茵河。喺卡遏士魯厄（Karlsruhe）南便，準確啲講係喺壹靈銀（Ettlingen）附近，卡遏士魯厄線戥施拜也線分開；再遠過一啲，喺北劇嘜士咸（Germersheim），施拜也線戥劇嘜士咸線彼此又分開。
喺隘北百（Eberbach），施拜也線穿過匿卡河；喺施拜也以南，又穿過萊茵河。
喺花夏（Vacha），劇嘜士咸線又一次戥施拜也線匯合，直到忌免敦（Gemünden） ，然之又戥施拜也線分開喺嗰度。落去施拜也線沿住施捌瑟（Spessart）嘅西邊延伸，並穿過美茵河幾次喺美茵河四邊形（Mainviereck，美茵河喺度屈兩屈直角，所以地圖上似四邊形）。
施拜也線接落來沿住倫山同圖靈銀森林，然後沿住壹士特（Elster）同壹士特山脈到達德國-捷克邊境。條線大致對應於埃晨拿刻 -恩侍笪（Arnstadt） -魯多律侍笪（Rudolstadt） -普勞恩。施拜也線喺卡遏士拔（Karlsbad）附近越過德國邊境，走向皮魯申（Pilsen）再北。
自 1945 年以來，施拜也線已經嘸再啱時宜喺捷克領土上，因為講德語嘅人口着驅逐之後，德語嘅波希米亞方言着讓位畀捷克語。