日文漢字

日文漢字（日文：漢字／かんじ^Kanji */?），係書寫日文嗰陣用嘅漢字。日文漢字嘅寫法基本上同現代中文用緊嘅漢字差唔多，但係亦都有一啲係由日本人獨創嘅漢字，叫和製漢字，日本官方叫國字。

日字粵音

同英文使用者唔同，粵語使用者睇到日文名嘅時候，唔會知道個名嘅讀法，所以會用粵音去讀呢啲字眼。

大部份日文漢字，多數會因爲粵語使用者唔識日文而用粵音去讀呢啲漢字，而亦有少數字眼係例外。

例子：「丼」字原本有粵音（dam2 / zing2），但多數會仿傚日文讀法（どん）而創造咗粵音（don1 / dong1）。

實例：親子丼（can1 zi2 dong1）

亦有啲字係粵語/漢語本身唔存在但又常見，所以需要另創讀音。而大部分情況係普通話先有作到啲讀音畀呢啲字，粵語冇作到，所以只有少數字眼係大眾係約定俗成接受咗嘅讀法。

辻（sap6）讀音同「十」。由於字眼上似漢字「十」字冇爭議，而普通話亦安咗個「十」字嘅讀法，所以跟咗呢個邏輯。日文原音：（つじ）