日韓合併

日韓合併（英文：Japanese annexation of Korea）係講緊喺1910年8月22號日本（大日本帝國）基於《日韓合併條約》，將朝鮮（大韓帝國）併入版圖嘅歷史事件；呢個動作象徵朝鮮歷史上作為獨立國家地位嘅中斷，同埋朝鮮日據時期嘅開始。呢件事喺東亞史中跟住各方用語同觀點唔同，而有韓國併合、朝鮮併合、日韓併合／韓日併合、日韓合邦／韓日合邦等稱呼。韓國人本身就唔用呢個名，將日韓合併後由日本殖民統治的時期叫做「日帝強佔期」（일제 강점기）、「日帝時期」或者係「日政時期」^[1]^[2]。