《明朝那些事兒》係網上連載嘅明朝（1344年－1644年）歷史故仔，作者係當年明月，本身叫石悅，係中國一個公務員，2006年3月喺天涯社區第一次發表，從朱元璋建國講起，每月點擊率超過百萬人次。有集結成書籍刊行，台灣都有出正體版。
《明朝那些事兒》到2008年3月發表至萬曆朝嘅國本之爭，4月發表到李成梁經略遼東與努爾哈赤嘅堀起，7月寫魏忠賢嘅事。2008年底發表到崇禎初年，袁崇煥伏誅嘅事。2009年1月初發表盧象升、孫傳庭等人剿寇。
當年明月每日會發表文章一小篇，字數唔夠一千字，週末嗰陣通常休息唔發表，有時會連休幾日，並喺網上公布。
