星等

出自維基百科,自由嘅百科全書

星等光度等級之一,用來講光暗,原本只分一至六等。佢初至為肉眼睇到幾光來評定,並唔準碓,現今由儀器量度光度,並且以光譜波段介定,一般就以可見光、或者紅外綫,甚至全光譜。現今儀器精量,可以量度至光至暗嘅星體,等級就不限於一至六,而且會用到小數。星等愈大愈暗,愈細愈光。至光嘅嗰啲去到負數都有。

由於星嘅光度,同距離都有關系,離地球愈遠愈暗,並唔表示星嘅實際光度,故此另外開一項評定,叫絕對星等。而以原本定義,就改叫目視星等。就好似太陽咁,由於好近地球,佢目視星等為負廿六等七四,極為之光,而按絕對星等,只為四等八三,喺宇宙中繁星而言偏暗。

現今星等定義,完全按光度嘅對數。一等星光度,為六等星一百倍。乘數而言,每等之間,幾何級數之差為一百開五次方,約莫二點五一二。

查肉眼、影相同儀器去度星等,得出星等都有唔同。因為人眼對光敏感,攝影就對藍光敏感。就算用儀器好準確,都同人眼同影相會有啲唔同。

[編輯]

英文寫Magnitude