升呢

升 lesing1 le1，亦有人寫成升呢sing1 le1，原本叫升 levelsing1 le1 fou2或者升級sing1 kap1，係 RPG 成日用嘅概念。

「升 le」係一個港式嘅粵英混雜嘅網絡語言。其中「升」唔難理解，係「增加／提升」嘅意思。但係「le」對於唔識粵語或者唔熟新一代用詞嘅人就會不明所以，唔知講乜。其實「le」係英文 level（即遊戲入面嘅「級數」）噉解。成個詞就係「提升遊戲級數」噉嘅意思喇。

升le嘅情況

通常喺MMORPG入面都係有等級嘅，而有經驗值先升到le嘅。MMORPG有啲版面都會騷重有幾多先升到le，大部分都會用百分比。但係有啲MMORPG都冇等級，好似Furcadia等。同時，升le都解做喺其他小遊戲，好似泡泡龍噉，完成一個等級嘅要求而改變遊戲版面，進入另一階段。噉樣嘅升le同經驗值冇關係，但係都係升le嘅一種。

相關概念

等級上限

等級上限（level cap）指一個角色嘅最大可能等級。好似係喺寵物小精靈裏面，一隻精靈嘅最大可能等級係 100，當一隻精靈到咗呢個等級就冇得再升。

轉生

轉生（regeneration）：係一個用戶達到最大可能等級之後可以做嘅一個動作；呢個動作會重設佢嘅用戶等級，而每次佢轉生，佢都會得到某啲新功能。

例

呢個詞嘅用法係噉：

• 近排（喺 game 入面）有冇升到「le」？= 近期有冇（響遊戲度）升級呀？
• 好嘢！我升咗「le」喇！= 太好啦！我（響遊戲度）升咗級喇！
• 你幾多le呀???（響遊戲嗰度個角色）