遊戲測試

遊戲測試（對應英文：game testing）係電子遊戲製作嘅工序，指遊戲嘅初型整好咗，但仲未攞去發佈。製作組試行隻遊戲，睇吓隻遊戲行起上嚟順唔順暢，尤其係要檢查程式有冇出錯。遊戲測試可以由製作組親自做，但係由於製作組本身熟悉隻遊戲，有好多程式錯誤可能要到咗搵人返嚟試玩嗰陣先至留意到^[1]。

概念

遊戲測試有別於試玩測試（對應英文：playtest）：遊戲測試側重技術層面嘅檢查，主要係想搵出程式運作上嘅問題，例如玩家角色係咪企得穩陣、跳高落地嗰時有冇問題呀噉－呢啲過程往往牽涉到複雜嘅遊戲物理，所以好易有 bug；相比之下，試玩測試就唔係單純檢查程式，而係集中於玩家體驗^{[註 1]}，製作組會邀請玩家試玩，收集佢哋嘅主觀體驗－包括係遊戲會唔會太難、操作有咩感覺同埋整體過唔過癮等等^[2]。

參見

註釋

↑ 可以睇睇用家體驗嘅概念。

引咗

↑ Bates, Bob (2004). Game Design (2nd ed.). Thomson Course Technology. p. 176-180.
↑ Choi, J.O., Forlizzi, J., Christel, M., Moeller, R., Bates, M. and Hammer, J., 2016, October. Playtesting with a Purpose. In Proceedings of the 2016 annual symposium on computer-human interaction in play (pp. 254-265)，佢哋呢度噉講："Playtesting ... gives designers feedback about whether their game is meeting their goals and the player's expectations."

[2] 可以睇睇用家體驗嘅概念。

[1] Bates, Bob (2004). Game Design (2nd ed.). Thomson Course Technology. p. 176-180.

[3] Choi, J.O., Forlizzi, J., Christel, M., Moeller, R., Bates, M. and Hammer, J., 2016, October. Playtesting with a Purpose. In Proceedings of the 2016 annual symposium on computer-human interaction in play (pp. 254-265)，佢哋呢度噉講："Playtesting ... gives designers feedback about whether their game is meeting their goals and the player's expectations."

[1]

[註 1]

[2]