圖板遊戲

圖板遊戲（英文：board game，借入粵語可作粵拼：bot1 gem1 ^[1]）係遊戲一大類，好多人都有玩。圖板遊戲需要用到一塊板同埋其他道具嚟玩，譬如係棋盤加上棋仔同骰仔噉。

中華文化入面，通常都會將只係用棋盤同棋仔（有時亦會包埋骰仔）獨立歸類做棋，要用到其他道具嘅，先至叫做圖板遊戲。

概論

圖板遊戲係指一啲攞住塊板加上一啲細小架生，例如係棋同骰仔，嚟玩嘅遊戲^[2]^[3]^[4]，例子有象棋、西洋棋、波子棋、圍棋、跳棋同埋大富翁等等。

圖板遊戲嘅例子有：

捉盲棋
波子棋
圍棋
跳棋
大富翁

簡史

圖板遊戲好古老：圖板遊戲喺公元前 3,000 年之前就已經存在，當時嘅圖板遊戲傾向抽象化，每隻棋唔會話代表咗乜嘢事物，唔似得例如現代嘅象棋噉，每隻棋代表咗某啲軍事單位，而且規則相對簡單；而及後少少人類有咗圍棋（大約公元前 400 年）^[5]同西洋棋（大約公元 600 年）等嘅遊戲，呢啲歷史悠久嘅遊戲經歷過多次嘅規則改變，慢慢噉變成今日有嘅樣－比如係早期嘅西洋棋，就曾經會用骰仔增加隻遊戲嘅隨機性，但今時今日嘅西洋棋，完全唔會用骰仔呢啲有運氣成份嘅嘢，變咗做高度技術化嘅遊戲^[6]；而且人類有陣時又會為遊戲發明新玩法－例如中國象棋噉，後尾有咗盲棋呢種變種玩法^[7]；到咗二十世紀初，圖板遊戲因為方便玩同埋喺教育上有用，而有咗巨大發展，譬如係大富翁噉，就係廿世紀初嗰時，因為有人想向平民解釋經濟學嘅基本概念而誕生，而呢隻遊戲時至今日已經風行全世界^[8]。

廿世紀後期，人類喺圖板遊戲上有咗重大進展。喺一九八零年代嘅德國創出咗所謂嘅德式枱上遊戲，強調俾玩家做有意義嘅決策^[2]，主張

枱上遊戲應該去除隨機成份，令到輸贏由技術，而非運氣，決定；
遊戲應該內置機制，畀玩家可以從後追上，噉某位玩家即使開頭落後咗，都有機會後來居上；
規則數量要有咁少得咁少，即係所謂嘅「優雅」設計^[2]。

睇埋

引述

↑ English Loanwords in Hong Kong Cantonese，佢哋呢度有收錄，打 board 同 game 可以搵到 bot1 同 gem1 。
1 2 3 Neyfakh, Leon. "Quest for fun; Sometimes the most addictive new technology comes in a simple cardboard box". Boston Globe.
↑ Wadley, Carma. "Rules of the game: Do you have what it takes to invent the next 'Monopoly'?" Deseret News. 18 November 2008.
↑ Zagal, J. P., Rick, J., & Hsi, I. (2006). Collaborative games: Lessons learned from board games. Simulation & Gaming, 37(1), 24-40.
↑ De Havilland, Walter Augustus (1910), The ABC of Go: The National War Game of Japan, Yokohama, Kelly & Walsh.
↑ Anne Sunnucks, The Encyclopaedia of Chess, St. Martin's Press, 1970, pp. 97–98. Sunnucks does not make clear if only one die or both dice were thrown, and, if the latter, whether the player could choose which of the specified pieces to move.
↑ David Shenk (2007). The Immortal Game: A History of Chess. Knopf Doubleday.
↑ Johnson, Bruce E. "Board games: affordable and abundant, boxed amusements from the 1930s and '40s recall the cultural climate of an era." Country Living. 1 December 1997.

[1] English Loanwords in Hong Kong Cantonese，佢哋呢度有收錄，打 board 同 game 可以搵到 bot1 同 gem1 。

[neyfakh-2] 1 2 3 Neyfakh, Leon. "Quest for fun; Sometimes the most addictive new technology comes in a simple cardboard box". Boston Globe.

[3] Wadley, Carma. "Rules of the game: Do you have what it takes to invent the next 'Monopoly'?" Deseret News. 18 November 2008.

[4] Zagal, J. P., Rick, J., & Hsi, I. (2006). Collaborative games: Lessons learned from board games. Simulation & Gaming, 37(1), 24-40.

[goABC-5] De Havilland, Walter Augustus (1910), The ABC of Go: The National War Game of Japan, Yokohama, Kelly & Walsh.

[6] Anne Sunnucks, The Encyclopaedia of Chess, St. Martin's Press, 1970, pp. 97–98. Sunnucks does not make clear if only one die or both dice were thrown, and, if the latter, whether the player could choose which of the specified pieces to move.

[7] David Shenk (2007). The Immortal Game: A History of Chess. Knopf Doubleday.

[8] Johnson, Bruce E. "Board games: affordable and abundant, boxed amusements from the 1930s and '40s recall the cultural climate of an era." Country Living. 1 December 1997.

[1]

[2]

[3]

[4]

[5]

[6]

[7]

[8]