春秋 (史書)

出自維基百科,自由嘅百科全書
跳去: 定向搵嘢
《春秋穀梁傳集解》,晉·范甯集解,宋紹熙建安余仁仲萬卷堂刊本

《春秋》係魯國嘅史書,記載魯隱公元年(公元前722年)到魯哀公十四年(公元前481年)嘅歷史,「尚書」以外,係中國現存最早嘅一部歷史書。《春秋》一書嘅歷史資料價值高,不過唔完備。

中國古時,春天秋天係諸侯「朝聘」王室嘅時節〔呢句嘢唔似粵語,唔該改咗佢〕。另外,春秋響古時代表一四季。而史書記載嘅都是一年裏面發生嘅大事,因此「春秋」係史書嘅統稱。而魯國史書嘅正式名稱就係《春秋》。以前有人認為《春秋》一書經孔子修訂。𠵱家一般覺得係魯國史官作嘅,同孔子冇乜啦舲[1]

《春秋》用字簡練,記事簡略,原先本嘢有 18,000 幾字,現存版本得番 16,000 幾字。古人特登幫呢本書寫啲「傳」,解釋、說明《春秋》。據《漢書·藝文志》話,為《春秋》寫傳嘅有 5 個:

  • 《左氏傳》30卷
  • 《公羊傳》11卷
  • 《穀梁傳》11篇
  • 《鄒氏傳》11卷
  • 《夾氏傳》11卷

《鄒氏傳》同《夾氏傳》已經失傳咗。《公羊傳》和《穀梁傳》響西漢初年寫成,用當時通行嘅隸書,𠵱家叫「今文」所寫成。《左傳》亦有兩種,一種出於孔子舊居嘅牆壁之中,用秦朝以前嘅古代字體寫成,稱為古文;一種係戰國時期荀卿流傳落來嘅。

《公羊傳》同埋《穀梁傳》唔同《左傳》。《公羊傳》同《穀梁傳》假設孔子係《春秋》作者,試圖解開其中「微言大義」來闡述清楚孔子本意,有好多牽強附會嘢,一推就冧。而《左傳》則以史實為主,補充並糾正《春秋》中錯誤或無寫嘅大事。而且左傳嘅文筆好靚,所以渠嘅影響深過其他兩本。

例句[編輯]

「隱公元年.春.王正月.三月.公及邾儀父盟于蔑.夏.五月.鄭伯克段于鄢.秋.七月.天王使宰咺來歸惠公仲子之賵.九月.及宋人盟于宿.冬.十有二月.祭伯來.公子益師卒.」-- 咁就一年。

參考[編輯]

  • 楊伯峻,《春秋左傳》淺講,中國古代文化史講座,廣西師範大學出版社,2003年,ISBN 7-5633-3938-8
  1. 音:la2 lang1, 冇關係咁解
四書五經
四書: 大學 | 中庸 | 論語 | 孟子
五經: 詩經 | 尚書 | 禮記 | 易經 | 春秋
樂經(失傳)


參閱[編輯]

Wikisource-logo.svg
維基文庫有原文