時序保護猜想
時序保護猜想（英文：chronology protection conjecture ，又叫做時序保護假說）係物理學家史蒂芬·霍金諗出嚟嘅一個猜想，佢認為標準廣義相對論之外，有啲而家仲未知曉嘅物理定律，會阻止除咗微觀尺度以外嘅任何時間旅行——就算廣義相對論表明時間旅行喺理論上係得嘅（例如喺能夠超光速嘅情況下）。數學上，廣義相對論嘅場方程有啲解中存在封閉類時曲線，表明時間旅行係有可能嘅。時序保護假說同宇宙審查假說唔一樣，宇宙審查假說裏便，每條封閉嘅類時曲線都穿過事件視界，咁就可能阻住觀察者睇到到因果律違反[1] （或者時序違反）嘅情況。 [2]
緣起
[編輯]係一篇1992年嘅論文中，霍金使用比喻嘅講法「時序保護機構/機制」（Chronology Protection Agency）嚟解釋物理定律唔畀宏觀尺度嘅時間旅行發生，噉就唔會出現時間悖論。佢認為：
好似有個時間順序保護機制，唔畀封閉類時曲線出現，噉宇宙對歷史學家嚟講就安全咗。
It seems that there is a Chronology Protection Agency which prevents the appearance of closed timelike curves and so makes the universe safe for historians.[3]
時序保護機構嘅諗法可能來源於一啲科幻作品中時間警察之類嘅機構[4]，譬如波爾·安德森嘅《時間巡邏》系列故事、阿西莫夫嘅小說《永恆的終結》、電視劇《超時空奇俠》。霍金篇論文發表之後，保羅·萊文森（Paul Levinson）寫咗小說《時序保護事件》，佢嘅世界觀裏便，如果有邊個科學家就嚟搞出任何形式嘅時間旅行，宇宙就會殺咗佢。
睇埋
[編輯]參考
[編輯]- ↑ Monroe, Hunter (2008-10-29). "Are Causality Violations Undesirable?". Foundations of Physics. 38 (11): 1065–1069. arXiv:gr-qc/0609054. Bibcode:2008FoPh...38.1065M. doi:10.1007/s10701-008-9254-9.
- ↑ Visser, Matt (1997). "Traversable wormholes: the Roman ring". Physical Review D. 55 (8): 5212–5214. arXiv:gr-qc/9702043. Bibcode:1997PhRvD..55.5212V. doi:10.1103/PhysRevD.55.5212.
- ↑ Hawking, S. W. (1992). "Chronology protection conjecture". Phys. Rev. D. 46 (2): 603. Bibcode:1992PhRvD..46..603H. doi:10.1103/physrevd.46.603. PMID 10014972.
- ↑ "Time Police : SFE : Science Fiction Encyclopedia". Sf-encyclopedia.com. December 21, 2011. 喺2014-08-25搵到.
書目
[編輯]- Hawking, SW, (1992) The chronology protection conjecture. Phys. Rev. D46, 603–611.
- Matt Visser, "The quantum physics of chronology protection" in The Future of Theoretical Physics and Cosmology: Celebrating Stephen Hawking's 60th Birthday by GW Gibbons (Editor), EPS Shellard (Editor), SJ Rankin (Editor)
- Li, Li-Xin (1996). "Must Time Machine Be Unstable against Vacuum Fluctuations?". Class. Quantum Grav. 13 (9): 2563–2568. arXiv:gr-qc/9703024. Bibcode:1996CQGra..13.2563L. doi:10.1088/0264-9381/13/9/019.</img>Li, Li-Xin (1996). "Must Time Machine Be Unstable against Vacuum Fluctuations?". Class. Quantum Grav. 13 (9): 2563–2568. arXiv:gr-qc/9703024. Bibcode:1996CQGra..13.2563L. doi:10.1088/0264-9381/13/9/019.