朕

「朕zam6」係第一人稱，即係「我」噉解，例如屈原《離騷》：「回朕車以復路兮」。「朕」喺中國古代係皇帝嘅自稱，但係喺商周時代天子就自稱予一人。

「朕」小篆「月」原本係「舟」，即係木造船嘅兩塊木。用好細小暗喻寡德以自謙，同「寡人」差唔多。

喺先秦嗰陣，諸侯國君主通常都自稱「孤」、「不谷」、「寡人」，稱「王」嘅人都可以自稱「本王」，秦建立咗之後，嬴政開始用「皇帝」尊號，規定「朕」做皇帝自稱。呢個稱呼自秦始皇十三年一直流傳去到辛亥革命嘅中國帝制結束。

「朕」一般淨係可以做皇帝嘅自稱。例如東漢末年，群雄爭霸，割據嘅局面出現，曹操係魏王，就算實際攞住軍政大權，都淨係可以自稱「孤」或者「本王」，皇帝劉協先可以自稱「朕」。

受到中國文化嘅影響，漢字文化圈嘅其他國家，包括日本、朝鮮、越南嘅君主都用「朕」呢個稱呼。「朕」日文讀「ちん」（chin），韓文讀「짐」（jim），越南文讀「trẫm」。

睇埋

• 予一人
• 孤
• 不谷
• 寡人