木谷實
| 木谷實 | |
|---|---|
 木谷實（左手面） | |
| 姓名原文 | 木谷實 |
| 出生日 | 1909年1月25號  |
| 出生地 |  日本大日本帝國兵庫縣神戶市 |
| 死亡日 | 1975年12月19號（66歲） |
| 死亡地 | 日本神奈川縣平塚市 |
| 國籍 | 日本 |
| 識嘅語言 | 日文 |
| 職業 | 圍棋九段 |
| 配偶 | 柴野美春 |
| 仔女 | 木谷健一、木谷和子、木谷禮子 |
[改維基數據] | |
木谷實（ きたに みのるKitani Minoru ，1909年1月25號—1975年12月19號 ）係日本出名九段圍棋手，花名「怪童丸」，本身係久保松勝喜代嘅徒弟，後嚟拜鈴木為次郎做師父。木谷本人培養咗好多好叻嘅入門弟子。
經歷[編輯]
木谷響一個飛髮師傅屋企出世，係屋企大仔。由細細個開始，佢已經表現出有好叻嘅圍棋天賦。後嚟，佢同前田陳爾同埋橋本宇太郎拜關西圍棋手久保松勝喜代做師父。本身久保松好想留底爾三位徒弟，但係佢知道爾個三個徒弟都好有圍棋天賦，應該將佢哋送去東京深造，所以就送咗三個人去東京。前田選擇跟本因坊秀哉，橋本選擇跟瀨越憲作，而木谷就選擇跟鈴木為次郎。
因為響1926年代表棋正社同日本棋院發出挑戰「院社對抗戰」，響比賽入面連赢十場，故得花名「怪童丸」，重一戰成名。
曾經同老友兼對手吳清源一齊創造咗圍棋新落棋手法新佈石，但就響十番棋測試入面輸多過赢。
木谷道場[編輯]
木谷門係由木谷創立。佢經常出外國，目的係為咗搵多啲有潛質嘅圍棋新人，所以佢培養咗一班對好叻嘅入門弟子，就好似大竹英雄、石田芳夫、趙治勳、加藤正夫、武宮正樹、小林光一（入門嗰時叫小林六超）、小林覺、小川誠子等等一流嘅日本圍棋高手。響2004年3月28號，木谷門突破500段，所以畀人叫做「世界圍棋第一門派」。直到今時今日，木谷門響每年十月都會搞、由七十個木谷門生同埋其他圍棋手參加嘅「500多面打大會」。