李思敏

李思敏，香港建制陣營（親中派）經民聯黨員，前任油尖旺區議會大南選區議員（2019年3月25號到同年12月31號）。

早年經歷

李思敏係喺一個基層家庭出世嘅，小學時加入咗少年警訊同埋學功夫。佢講話話，16歲嗰陣就去大南做義工，喺呢個區度長大同讀書。佢以前曾經就讀過中華基督教會基全小學同埋世界龍岡學校劉皇發中學。

李思敏中學時已開始教授武術，之後去香港專業教育學院讀運動管理，之後曾經被一間保安公司聘請，負責保護名人同埋教授警察機動部隊自衛技巧。儘管工資唔錯，但李思敏只做咗一個月就離職。

從政及選舉經歷

2019年3月24號，佢參加油尖旺區議會大南選區補選，以1343票打贏泛民主派李國權，成功繼承已故黨友莊永燦留低嘅議席，但到咗同年11月嘅第6屆選舉，親中派因為逆民意堅持支持修訂逃犯條例，選情大受影響，李思敏最終攞到2046票，但係對手李國權攞到2943票，以897票之差落選，連任失敗。

2023年12月，李思敏再度參選區議會選舉，喺選舉委員會委員可以互相提名都唔當係利害衝突嘅選舉制度下，終於成為油尖旺北區議員。