杏仁桉

出自維基百科,自由嘅百科全書
跳去: 定向搵嘢
en:Wikipedia:How to read a taxoboxHow to read a taxobox
杏仁桉
Tasmania logging 08 Mighty tree.jpg
物種分類
界 (Regnum): 植物界 Plantae
(unranked) 雙子葉植物 Eudicot
目 (ordo): 桃金孃目 Myrtales
科 (familia): 桃金娘科 Myrtaceae
屬 (genus): 桉屬 Eucalyptus
種 (species): 杏仁桉 E. regnans
二元學名
Eucalyptus regnans
F.Muell.
杏仁桉嘅分佈範圍
杏仁桉嘅分佈範圍

杏仁桉學名Eucalyptus regnans),又叫杏仁香桉,係屬於桃金孃科嘅一種樹木。呢樖樹係世界上最高嘅樹,高度達156米。比美洲嘅巨杉重要高14米,起碼有52層樓咁高,呢種樹係生喺大洋洲澳洲草原半乾旱地區。

介紹[編輯]

杏仁桉樹一般嚟講都高到起碼成百米咁高,其中有一樖係高到156米,樹幹直插到雲入面嘅。呢樖嘢喺人類查過嘅樹木入面,佢係最高嘅一種。如估雀仔係樹頂上面唱歌仔嘅話,喺樹下面聽會好似隻蚊之仔咁叫嘅。

呢種樹基部周圍嘅長度有30米咁大,咁鬼高嘅樹,地下嘅根都束到好深又大喇。咁樣可以方便吸收足夠嘅水分,唔使驚大風將樖樹吹冧。樹幹又係直筆甩嘅,向上就好明顯咁越嚟越幼咁,樹枝同埋樹葉都係好密集咁生喺樹頂嘅。啲樹葉都生得好怪咁,一般啲樹葉都係表面向天嘅,但係佢嘅樹葉係葉邊係向天嘅,就好似掛喺樹枝上咁,同陽光嘅投射方向係完全平行嘅。呢種咁古怪嘅樣係為咗適應氣候乾燥、陽光強烈嘅環境,減少陽光直射,防止水分蒸發得太犀利。

成日話「大樹下面比較好唞涼」嘅。但係如估係咁高嘅杏仁桉樹下面就幾乎冇影咁滞。因為佢嘅樹葉又幼又攣,而且個邊係向上嘅,樹葉表面同埋日光投射嘅方向平行,就好似吊喺樹杈上面咁,陽光都喺樹葉嘅罅度穿嗮過去。

果實[編輯]

杏仁桉呢樖嘢雖然話就高啦,但係佢啲核好細粒咋,每粒大概有1-2毫米,20粒核先至一粒米咁大粒。但係佢生得鬼咁快,佢係世界上其中一種生得最快嘅樹,五六年就可以生到10幾米咁高喇,胸徑40幾厘米嘅大樹。