杜浩成
杜浩成（英文：Joseph To Ho-shing，1962年—）係香港法律界人士。
杜浩成早年做過法律援助署法律援助計劃律師。之後，杜浩成喺香港私人執業。喺1994年，杜浩成加入前律政署。喺1997年，杜浩成擔任高級政府律師去到2006年，同年8月改任東區裁判法院裁判官[1][2]，任內曾被揭發疏忽[3]。佢多次審理處理涉及社運人士嘅案件，唔少判決都引起爭議，有傳媒質疑杜浩成苛待社運人士、處事不公[4]，甚至有一啲批評佢嘅人叫佢做「杜酷刑」[5]。
學歷
[編輯]- 陳瑞祺（喇沙）書院中學畢業
- 1989年 澳洲新南威爾士大學 商業學士同埋法學學士
- 1989年 澳洲高等法院 同埋 新南威爾士最高法院事務律師資格
- 1992年 英格蘭同威爾斯 事務律師
- 2000年 香港大律師資格[6]
部分由佢處理又受到傳媒嘅案件
[編輯]佢嘅判決受到傳媒關注，好多時都因為佢對民主派人士判刑過重有關，但對親中派違法判決就非常手鬆。例如，喺2013年古思堯同馬雲祺企圖侮辱區旗一案，社民連就發表「打人罰千五，燒旗即還押」聲明，批評判刑過重，又質疑點解喺2012年12月，激進親中派愛護香港力量喺撐政府遊行期間公然襲擊電視台攝影師，杜浩成只係判罰款賠償[7]。
成報欠薪事件判決被質疑
[編輯]喺《成報》拖欠三名員工逾八萬元薪金嘅一案入面，杜浩成作為裁判官，處理案件期間曾經幫《成報》辯護，話《成報》唔係刻意拖糧，輕判罰款四千二百元，結果引起社會嘩然。上訴庭之後批評佢低估欠薪對員工嘅影響，將罰款大幅增至三萬九千元[8][7]。
逃犯條例爭議相關
[編輯]杜浩成曾經將幾名13-15歲嘅學童判入屯門兒童同青少年院，被兒童權利委員會質疑，咁做會影響佢哋接受教育嘅機會同埋受父母照顧嘅權利（案件編號： KCJP119、120、121/19；KCCC2243/19）[9][10]。
重判2019年區選泛民候選人被質疑
[編輯]喺2019年區議會選舉落敗嘅觀塘栢雅選區候選人、民主派陳宇明，因為選舉後無依期提交選舉申報書，被杜浩成以監禁9個月做量刑起點，然後因為陳宇明認罪，對佢作三分一扣減。之後陳宇明上訴，高等法院負責嘅法官都形容判決太重，案件並唔係去到咁嚴重嘅範疇，有啲人故意唔申報罪責更重但都只係判罰款[11]。
參考
[編輯]- ↑ 〈委任司法人員〉。政府新聞處。2006-07-28。原著喺2019-09-02歸檔。
- ↑ 〈特稿 審案經驗不足五個月〉。《蘋果日報》。2007-01-05。原著喺2019-09-03歸檔。
- ↑ 〈裁判官杜浩成再被揭疏忽〉。《東方日報》。2008-02-01。原著喺2013-05-01歸檔。
- ↑ 〈審多宗社運案 杜浩成屢惹爭議〉。《東方日報》。2013-06-14。原著喺2016-11-10歸檔。喺2019-09-01搵到。
- ↑ 黃世澤, Martinoei (2014-12-30)。〈香港人可以忍仆街釘官忍幾耐〉。《MO's notebook 4G 黃世澤 的筆記簿》 (臺灣中文)。喺2021-09-28搵到。
- ↑ 〈委任司法人員〉。政府新聞處。2006-07-28。原著喺2019-09-02歸檔。
- ↑ 7.0 7.1 〈審多宗社運案 杜浩成屢惹爭議 - 東方日報〉。orientaldaily.on.cc。喺2021-09-28搵到。
- ↑ 〈成報前員工指罰款4200太輕〉。《大紀元時報 香港｜獨立敢言的良心媒體》 (香港中文)。2007-01-05。原著喺2021-09-28歸檔。喺2021-09-28搵到。
- ↑ 〈警申保護令 3被捕學童入兒童院 暫住近一個月無法上學 家長擬上訴〉。《明報》。2019-09-01。原著喺2019-09-13歸檔。
- ↑ 〈【逃犯條例】3被捕學童被判入兒童院 兒童權利委員會斥做法不當〉。香港01。2019-09-03。原著喺2019-09-04歸檔。
- ↑ 〈公民黨前執委無交選舉申報書囚半年 不服刑期上訴獲判得直當庭獲釋 高院質疑起刑點過高 (13:10) - 20210928 - 港聞〉。《即時新聞》。喺2021-09-28搵到。