東久邇盛厚
東久邇盛厚（日文：ひがしくにもりひろ ，1916年5月6號—1969年2月1號）係日本舊皇族，曾經係陸軍軍人，老豆係東久邇宮稔彥王，阿媽係明治天皇第九個女聰子內親王，佢同時係昭和天皇嘅大女婿。響未皇籍脫離之前，尊稱為盛厚王。
經歷
[編輯]盛厚響1916年出世，係稔彥王大仔。
佢先後就讀學習院初等拜同埋陸軍士宮學校預科，1937年響陸軍士宮學校畢業，同年8月升為陸軍砲兵少尉，跟住就畀人調去野戰重砲第1連隊，同年獲勳為勳一等旭日桐花大綬章。1939年，爆發諾門罕戰役，負責前線嘅第1中隊發起動員令，要求更多軍人加入，盛厚王因而加入第1中隊。但係戰況越嚟越惡劣，好多軍人因而戰死沙場，宮內省驚盛厚王死埋一份，所以將盛厚王調去做阿城重砲連隊中隊長。同年，佢入讀陸軍砲工學校普通科，第二年七月畢業，年尾佢升讀陸軍野戰砲兵學校。
1941年佢陸軍野戰砲兵學校畢業之後，佢升為陸軍大尉，第二年入讀陸軍大學校。響1943年頭，佢升為陸軍少佐，同年年尾佢同昭和天皇大女成子結婚。1944年，佢畢業於陸軍大學校之後，隨即就任第36軍情報参謀。1945年，佢畀人調去予備役。
響1946年5月，佢辭任貴族院議員，同年10月響駐日盟軍總司令指示底下，盛厚王皇籍脫離，改名叫東久邇盛厚。
響皇籍脫離之後，佢曾經報名參加東京大學嘅入學試，但係最後「肥佬」，入唔到東京大學。失敗之後，佢以聽講生嘅身份響東京大學經濟部讀咗三年書。讀完之後，佢先後做過北海道炭礦汽船社長同埋帝都高速度交通營團監事，響1959年擔任日本狆クラブ協會會長。響1961年7月，老婆成子過身。成子死咗之後，佢同寺尾佳子再婚。
響1969年2月1號，盛厚因癌病過身，終年52歲。
屋企
[編輯]
老豆：東久邇宮稔彥王
阿媽：稔彥王妃聰子內親王
兄弟姐妹：長男盛厚王（即佢自己）---二細佬師正王---三細佬栗田彰常---四細佬多羅間俊彥
第一任老婆：成子
第二任老婆：寺尾佳子