東京愛情故事

出自維基百科,自由嘅百科全書
Jump to navigation Jump to search

東京愛情故事》(日文東京ラブストーリー,中文版漫畫名為《東京愛的故事》)係日本漫畫柴門文嘅作品。故事主要講出城打工嘅主角永尾完治同女主角赤名莉香喺東京相遇,但佢其實一直心儀青梅竹馬嘅關口里美,不過關口偏偏鍾意花弗男三上健一;之後完治漸漸愛上莉香,被三上玩嘅關口之後又鍾意完治……成個故事都係講佢哋糾纏不清嘅四角關係。

喺1991年,被日本富士電視台改篇拍成電視劇(喺當年1月7號播到3月18號,卡士有鈴木保奈美(飾演莉香)、織田裕二(飾演完治)、江口洋介(飾演三上)等等,呢幾位演員都因為拍呢套劇而爆紅,而本劇亦成為日劇經典之一。當年香港亞洲電視亦有買入版權播放粵語配音版,廣受歡迎,呢套劇當年熱播亦令到香港掀起一片日本偶像劇熱潮。

2020年,富士電視台再次翻拍《東京愛情故事》,選角人面全非,故事亦適度改篇。不過因為平成版實在太過經典,有擁躉話令和版新不如舊。而香港地區就由「黃viu」引進點播服務,緊貼日本每集遲當地一星期喺香港上架。

睇埋[編輯]