東京迪士尼樂園

迪士尼樂園
東京迪士尼樂園
地點	日本 千葉縣 浦安市
開幕日	1983年4月15號
度假村	東京迪士尼度假區
主題	夢想同魔術嘅王國
佢嘅網站	tokyodisneyresort.jp
營運	Oriental Land

東京迪士尼樂園（英文：Tokyo Disneyland；日文：東京ディズニーランドTōkyō Dizunīrando）喺日本千葉縣浦安市，就近東京。佢喺東京迪士尼度假區裏面，兩個主題樂園之一。樂園響1983年4月15號開幕，係美國以外，第一個迪士尼樂園。樂園分做七個主題園區，風格各有不同，分別係世界市集、探險樂園、西部樂園、明日樂園、卡通城、動物天地同埋夢幻樂園。東京迪士尼曾經係全世界遊客最多嘅主題樂園。

佢雖然以東京命名，但實際響隔籬嘅千葉縣。東京迪士尼樂園並唔屬於Walt Disney，係由東京政府自己起。

開放時間

東京迪士尼樂園營業時間唔固定，會跟季節同禮拜幾而唔同，去之前都要睇官方網站行事曆。之不過，大部分時間，都係朝早九點開，若果撞啱假期或者旺季，會開早啲到八點半，甚至八點開。而閂門時間，九成九都都響夜晚十點，但特殊節日，好似西曆大除夕同平安夜咁，就會延長。

園區休息日都係唔定，要睇官方網站。

門票

東京迪士尼有好多種飛，若果單去一個樂園，通常買一日票，單日票券只限玩一個樂園。若果重要去海洋迪士尼，多數買兩日或多日飛（護照）比較化算。另外，樂園亦有星光票，比一般票券平約莫1100日圓，但一定要響下晝三點後先可以入場，若果要玩晒成個樂園，時間好緊迫。重有隻假日唔玩得嘅夜間票券，要俟晚6點後入場，同埋冬季夜間護照，要俟晚五點後入場，有特定日子先用得。東京迪士尼，四歲以下係免費嘅。

出面網頁

• 東京迪士尼樂園（英文）