東加勒比元（ISO 4217貨幣符號：XCD）係北美洲加勒比海地區幾個前英國殖民地國同埋英國殖民地通用嘅貨幣，用緊嘅國同埋地區包括安圭拉、安提瓜巴布達、多米尼克、格林納達、蒙塞拉特島、聖傑氏尼維斯、聖盧西亞同埋聖文森特和格林納丁斯。1緡=100仙。呢種貨幣實行固定匯率制，1緡美金=2.688緡東加勒比元。
東加勒比元嘅銀紙面額有2、5、10、20、50、100緡，而銀仔硬幣面值就有5、10、25仙同埋1緡。
