緡

緡，本來讀 man⁴，通常變調讀做 man¹，係貨幣嘅基本單位。

無論係講緊邊一隻貨幣，粵語通常都會用個「緡」字來代替嗰一隻貨幣嘅基本單位。好似講緊美金嗰陣，「一緡」就代表一美元(USD^[1])。響大陸搭車使咗「兩緡」，即係人民幣兩元(CNY)。響瑞士用「三緡」買罐汽水，即係三個瑞士法郎(CHF)。所以，呢個字響意義上類似通用貨幣符號『¤』（統一碼 U+00A4）。^[2]^[3]^[4] 若然上文下理唔夠清楚，可以響個銀碼之前或者之後補返個貨幣名來搞清楚，例如：「今日港紙一緡兌一緡人民幣」

緡字本來讀陽平聲 man⁴，但係到咗唐朝，因為同唐太宗李世民個「民」字撞咗，要避諱，於是就改咗讀陰平聲 man¹^[5]，成為如今粵語裏面罕見嘅濁聲母（m-,n-,l-,ng-）陰聲調字。