東園 (廣州)

出自維基百科,自由嘅百科全書
Jump to navigation Jump to search
東園
廣東省文物保護單位
喺邊廣州市越秀區越秀南路東園橫路嘅交界西北邊,越秀南客運站團一大紀念廣場附近嗰度。
革命遺址同革命紀念建築
時代清朝
登錄1964年
地圖

東園粵拼dung1 jyun4)係中國廣東省廣州市嘅一個已經消失嘅公眾遊樂場所,位置就喺而家嘅越秀區越秀南路東園橫路嘅交界西北邊,越秀南客運站團一大紀念廣場附近嗰度。

[編輯]

喺20世紀初期嗰時,呢度係江邊嘅淺灘、入面有好多亭臺同樓閣、花草樹木響度,變咗比較出名嘅園區,後嚟就變咗間娛樂場所。嗰時有好多單大嘅革命集會就喺呢度搞,所以俾人嗌咗「東園」。

[編輯]

其實呢間嘢喺清朝宣統庚戌年(1910年)冬天嗰陣起嘅一間嘢,係清末水師提督李准嘅別墅,據資料,原東園有成2.4萬多方。

清末東園試過搞埋運動會,似1907年嘅尚武運動會(第二次省運動會),宣統二年(1910年)嘅庚戌運動會(第四次省運動會)。

辛亥革命之後,間嘢俾國民政府充咗公,重整咗國際世界語協會嘅廣州分會同埋中華民國、廣東省同廣州市嘅部分緊要嘅集會同進步活動都喺呢度開過。喺1912年,孫中山就喺呢度發表過《民主主義之實施》嘅演講同時,甚至連中國社會主義青年團第一次全國代表大會都喺呢度開過。喺1925年6月,省港罷工委員會就喺呢度嘅紅樓搞。

不過到咗1926年11月6號就唔好彩,呢間嘢俾帝國主義收買返嚟嘅反動分子放火燒冧咗,得返好似大三巴牌坊噉嘅門樓響度。雖然話間嘢俾反動分子燒冧咗,但係過咗38年(1964年),呢度俾人定咗係廣東省級文物保護單位嘅同時,甚至喺時隔20年之後(1984年),廣州市政府喺呢度出錢起返間門樓出嚟。

歷史建築[編輯]

呢間嘢其實係之前李准喺呢度住過嘅私家園林,喺辛亥革命之後先至開畀公眾入去睇。面積方面有25000平方米,而大門喺正南邊開,而加就得返座石橋式磚木結構嘅門樓,上面重有李准自己親手寫嘅「東園」呢兩個字。而園區入面重得返個荷花池、兩間八角亭,2層樓嘅西式洋樓。園區入面重有座竹棚同啲舖仔響度。

東園門樓[編輯]

東園門樓門牌係挹翠路33號,係園林原正門,而家畀路面建築遮擋同阻隔,普通市民好難發現。畀當局訂做廣東省文物保護單位。

門樓係紅磚砌起嘅中西合璧風格建築,正中係拱門,上方嵌有行楷陰刻「東園」兩字嘅石額,上款「宣統庚戌(即1910年)冬月」,下款「鄰水李准書」同印章。門樓兩側石額裝飾有灰塑動物、卷草、連珠紋等圖案[1]

重建計劃[編輯]

越秀區政府2014年開始有計劃重建東園,計劃整合東園門樓、中華全國總工會、省港大罷工紀念館等,打造東園歷史文化廣場。有關方案喺專家評審陣畀大肆批評,時市長陳建華會尾陣話,廣場設計同新建建築應該唔好壓過歷史文物,視野應可睇曬所有歷史文物,睇埋東園園林舊貌,話可考慮恢復部分東園建築,成個廣場項目改返就叫東園[2]

睇埋[編輯]

[編輯]

出面網頁[編輯]

  1. 广州"东园"仅存门楼 孙中山曾在此发表演说(图) 互聯網檔案館歸檔,歸檔日期2019年6月18號,.2014-01-15 广州日报
  2. 广州越秀东园广场规划搁置 或考虑恢复部分东园建筑 互聯網檔案館歸檔,歸檔日期2019年6月18號,. 2014-03-03 广州日报 记者 杜娟