東山少爺

  想搵一位歌星嘅話，請睇東山少爺 (歌手)。

東山少爺（粵拼：dung1 saan1 siu3 je4），係指民國時住喺廣州市東山區（喺2005年同越秀區合併咗）一帶嘅富家子弟。由於舊時東山區一帶住嘅多數係達官、貴人、富商，有「有錢有勢住東山」嘅俗話，於是就出咗「東山少爺」伊個稱號。東山少爺同西關小姐同屬舊時廣州上流社會嘅代表群體。

一般來講，「東山少爺」代表住上流社會啲權貴，有人認爲呢個群體入面有好多都係「二世祖」，雖然係令人矚目嘅風華一代，但係無德無能、成日遊手好閒；而有啲人就反駁呢種講法，認爲係將企街女當大家閨秀、攞風塵客做翩翩少爺，而實質上貴族都係好有家教嘅，所以真正嘅少爺小姐都係出身、教養都好好嘅人家。亦有人認爲，一樣米養百樣人，咩階層都有好人衰人，東山少爺入邊可以出敗家仔、亦可以出貴公子。

俗話

• 有錢有勢住東山。
• 西關小姐、東山少爺；小北打仔、河南乞衣。

參攷

• 「東山少爺」個朵咪亂噠（粵文）
• 古粵秀色微博，佢反駁咗一啲人所講嘅「東山少爺都係二世祖」嘅講法。