東方三賢士
.jpg)
東方三賢士、東方三博士、東方三王，出自基督教馬太福音描述，耶穌降生嗰陣有啲人，由東邊過嚟祝賀，送咗黃金、乳香、沒藥做賀禮。由於用咗希臘文μάγοι，咁樣叫嗰啲人，而且眾數，後世翻譯上有唔同理解。隻字引自波斯文，指司祭階層。
英文就寫成有智慧男人，又或者王。有智慧男人，文雅啲就寫成賢士、博士，實情福音上無寫話啲人有智慧。而王呢，馬太福音無寫過話統治。由於受星光引導，後世又有占星師個講法。書中無寫到幾人，而眾數就至少兩人。西方教會傳統上認為有三人，東方教就十二人，所以唔一定三人。古墓中亦有四人、八人、十二人。其他名有東方三賢者、東方三賢人。東方意義亦唔明確，指以色列以東，西亞某地方。
呢段記載，加上民間想像，成為基督教中深刻場面。
聖經記載
[編輯]根據《聖經》馬太福音第2章記載，耶穌出世嘅時候，幾個博士從東方睇見伯利恆方向嘅天空上有一粒大星，於是就跟住粒星嚟到耶穌出世嘅地方。其實冇證據證明係有幾多位博士朝拜耶穌，但係佢哋帶嚟黃金、乳香、沒藥，所以有學者推測係有三個人嚟到，每人獻上一樣禮物，所以稱佢哋做「東方三博士」：但馬太福音只係寫「有幾位來自東方嘅博士」，而並冇提到博士嘅數目。
博士身分
[編輯]呢幾位博士精通天文學同占星術，因此佢哋肯定唔係猶太人，因為喺猶太教中，摩西律法規定，禁止人使用魔法、占星術同崇拜偶像。由於原文（古希臘文：μάγοι；拉丁文：magus）係占星術士（法師）嘅意思，佢哋可能係安息帝國嘅高級神職人員。