林村天后廟

林村天后廟

天后廟，正名天后宮，別義稱林村天后廟，香港天后廟之一，喺林村放馬莆。大清乾隆年間，一七三六年起廟，一九六七年重修，隨後一九七六年同一九九二年都有重修。

廟裏面掛鐘，鐘鑄喺乾隆三十六年，即一七七七年。廟裏面設鄧占一夫婦靈位，相傳起廟之初，經費唔夠，得本鄉鄧氏捐巨款，先至起成，特設靈位供奉。另供奉十二護鄉烈士靈位。秋分，鄉民往廟拜祭。

天后宮佈局叫「五間二進」，由正門睇，橫向設有五間房，縱向由前到後有兩個瓦頂建築，兩進中間係庭院，正殿供奉天后同觀音，右側係文武廟，左側就係龍母殿。

天后廟外林村許願樹，新年期間甚多人。