柔佛海峽

柔佛海峽 Strait of Johor
星加坡地圖，可見柔佛海峽（Johore Strait）分隔星加坡島同馬來西亞
坐標	1°26′48″N 103°45′13″E
種類	海峽
周邊國家	馬來西亞 星加坡
最長	50公里
最闊	1公里

柔佛海峽（英文：Johore Strait、Tebrau Strait、Straits of Johor、Selat Johor、Selat Tebrau或Tebrau Reach）係東南亞一條國際海峽，分隔星加坡同馬來亞半島。

地理

呢條海峽將馬來西亞半島本土北面嘅柔佛州，同南面嘅新加坡同佢啲離島分隔開。西面連接馬六甲海峽，東南面連接新加坡海峽。

柔佛河嘅出海口同三角洲，位於海峽嘅東北面，即係馬來西亞側便。

跨海大橋

而家有兩條橋橫跨呢條海峽。柔佛—星加坡長堤(Johor–Singapore Causeway) ，一般就咁做「The Causeway」，連接馬來西亞嘅新山同星加坡嘅兀蘭。另一條係馬來西亞—新加坡第二通道（Malaysia–Singapore Second Link），位置喺海峽較西面，連接馬來西亞嘅依斯干達公主城同新加坡嘅大士。

喺二〇〇三年，馬來西亞曾經想起一條新橋，取代原有嘅長堤，但同新加坡嘅談判冇成功。官方提出嘅主要原因包括：

• 起橋可以令海峽兩邊嘅海水自由流動，因為當初起長堤時將水道一分為二（亦可以令船隻繞過新加坡港）。
• 起橋可以紓緩新山嘅交通擠塞。

到二〇〇三年八月，馬來西亞宣布會繼續推行一個計劃，起一條斜斜地dei2、彎彎地dei2嘅橋，同新加坡現有長堤嘅一半接駁。方案仲包括為鐵路設置一段旋轉橋。不過，到二〇〇六年，由於新加坡表示如果談判要包括其他雙邊議題，例如新加坡空軍使用馬來西亞空域，以及向馬來西亞購買食用水同沙資源，先會接受起橋方案，馬來西亞最終叫停咗起橋計劃 。馬來西亞認為新加坡嘅建議係對佢主權嘅一種妥協 。

其他曾經提出過嘅跨境方案包括新山—新加坡快速捷運系統同吉隆坡—新加坡高速鐵路。兩個項目原本計劃喺二〇一九年動工，但之後因為二〇一八年馬來西亞大選後嘅政治更替，以及為咗減少之前喺拉扎克政府時期累積嘅國家債務，而再延遲上馬 。

生態

柔佛海峽一帶嘅污染問題相當明顯 。 由於長堤兩邊都有進行填海工程，呢個地區亦成為馬來西亞同新加坡之間嘅環境爭議來源 。有意見指，持續嘅填海工程可能會影響海上邊界、航道，同埋馬來西亞側面嘅水域生態。喺做任何填海工程之前，都要求做環境影響評估先，例如森林城市（Forest City (Johor)）項目。

填海工程亦有可能威脅原生於呢條海峽嘅儒艮嘅棲息地同食物來源。

相簿

• 
  海峽東邊入口。左手邊係星加坡島，遠景係烏敏島。
• 
  喺星加坡兀蘭望向新山市區。新柔長堤跨柔佛海峽連接兩地。