校園游水裝

出自維基百科,自由嘅百科全書
Jump to navigation Jump to search
喺日本嘅校園游水裝品種。左:男裝,右:女裝

校園游水裝粵拼haau6 jyun4 jau4 seoi2 zong1日文スクール水着スク水)係部分國家啲學校入面,喺學生游水堂嗰時着到,由學校特別整嘅游水裝。呢種游水裝同普通嘅游水衫褲唔同,佢一般比較緊身。尤其係女仔嘅游水衫都係用一件頭嘅品種。佢嘅原產地喺日本,而家有啲國家嘅學校都會用到佢。

發展史[編輯]

昭和30年代後半段(1963~1967年),嗰時日本啲學校將游水列入正式嘅考試科。就喺昭和30年代中葉(大概1961~1963年到)出現咗用尼龍整嘅正式學校游水裝品種,喺嗰時之前一直都冇固定,就係用乙酸酯整嘅游水裝品種。而最早嘅校園游水裝品種,女仔嗰啲好似條冇袖嘅連衣裙噉,但比較緊身,而且有半條裙樣出嚟,凈係喺兩邊大髀附近重短過而家女仔着嘅超短褲噉,但係唔似得奧運會嗰啲跳水用嘅專業游水衫噉冇孖煙囪;而背脊條腰帶冚得比較上,係因為嗰時啲尼龍紡織品冇彈性,要用比較厚嘅尼龍布嚟整。呢啲游水裝喺1964年嘅東京奧運會期間先至出現,其中男裝一開始就發展成四角嘅游水褲品種。

到咗1985年,校園游水裝出到第二代。其中女仔嘅一件頭方面,將用咗21年嘅裙位取消咗,而材料變成尼龍同聚酯纖維、聚氨酯整嘅嘢;編織物轉咗用1971年研發、比較有彈性嘅雙向針織品種。而抌喺膊頭後邊嘅冚住部位甚至伸咗落嚟,呢種游水裝到而家重有部分學校用緊。呢種游水衫喺1985年好多游水學校入面都好興。男裝開始出現而家嘅三角游水褲品種。

到咗2001年,校園游水裝出到而家嘅第三代。女裝進化到同而家奧運跳水用嘅一件頭差唔多噉,其中大髀最上邊附近發展到冇孖煙囪嘅V字形版。同而家嘅一件頭嚟對比,唔同嘅係佢嘅背脊嘅大部分腰骨部位都係冚實嘅。原先喺未指定邊種游水衫嘅學校,都出咗啲好似而家第三代品種(介乎第三代品種到奧運跳水品種嘅一件頭之間)嘅游水裝。而之前兩代嘅游水衫品種,而家已經越嚟越少人用。男裝重出現咗而家喺市面有得賣嘅競賽型中褲品種。

而家校園游水衫嘅品種[編輯]

而家男仔嘅游水褲品種由第一代到第三代都有。但係而家女仔嘅游水衫多數用緊第三代,前兩代已經好少學生用。

膊帶樣[編輯]

膊帶係女裝(一件頭)先至有,一般有U字形、Y字形同V字形3種形狀。

U字形[編輯]

U字形喺第一代嘅校園游水裝開始出現。呢種游水裝嘅優勢同缺陷係:

  • 優勢:可以調整長度。
  • 缺陷:成日搭喺膊頭差唔多到手臂嗰度,如估稍為着大一個碼,膊帶可能會甩落嚟搞到走光。

Y字形[編輯]

Y字形喺第二代嘅校園游水裝開始出現。佢同第一代唔一樣,膊帶唔會甩出嚟。而且個Y字型部位硬淨咗。

V字形[編輯]

V字形喺第三代嘅校園游水裝開始出現。佢同第二代嘅品種差唔多,但係上邊嘅膊帶通常用橡膠嚟整嘅一條綫品種。

[編輯]