桃太郎飯糰（粵拼：tou4 tai6 long4 fan6 tuen4） （日文：桃太郎印のきびだんご）係日本漫畫多啦A夢入面嘅一個祕密法寶。佢個名嚟自日本民間童話故事《桃太郎》入面。呢個法寶係由一個網袋住，袋上面畫住桃嘅公仔，個袋入面就係一粒粒嘅飯糰。無論乜嘢動物包括人類食咗呢啲飯糰都會即係變得好溫馴而且聽嗮餵佢食呢粒飯糰嘅人嘅説話。呢個道具大多數係用嚟對付啲兇猛嘅猛獸，例如係獅子、恐龍噉。
