梁金山

出自維基百科,自由嘅百科全書
Jump to navigation Jump to search
梁金山
[[File:LoengGamSaan.jpg|250px|]]
海拔 456(1,496英尺
位置 江門開平三埠北邊5km嘅位
座標 22°26′12.98″N 112°41′31.79″E / 22.4369389°N 112.6921639°E / 22.4369389; 112.6921639座標: 22°26′12.98″N 112°41′31.79″E / 22.4369389°N 112.6921639°E / 22.4369389; 112.6921639
梁金山 is located in 廣東
梁金山
梁金山
梁金山嘅地理位置

梁金山粵拼loeng4 gam1 saan1)係中國廣東江門嘅一座山,亦係江門名山。位置喺開平三埠北邊5km嘅位,西靠江門大道;北靠開陽高速公路;南靠開平城區;東靠水口鎮周邊嘅山旮旯地方。

[編輯]

山名嘅來源,好耐之前流傳咗三種講法。但目前最可靠係第一種講法:

梁金喺山上修煉

古代,有位嗌「梁金」嘅道人喺山上修煉,後嚟道人死咗之後,當地人為咗紀念佢而改成噉嘅名。

梁氏金氏啲祖先嘅同葬之地

好耐之前,金村一帶有好多金氏啲宗族喺度住,祖先死嗮之後都葬嗮喺山頂。後嚟梁氏啲人搬入嚟之後,都將自己祖先——梁永保葬喺山頂。所以座山簡稱成噉嘅名。

林梁兩族猛咁爭

古代有位林氏同梁氏啲人,各將自己啲祖先葬喺山上。因為嗰時座山未改名,林氏班人話座山係「林公山」,梁氏班人話座山係「梁公山」,結果雙方各執一詞而帶錢到縣衙門升堂。由於雙方一齊帶錢嚟,令衙門官員拗嗮頭,縣官就親自去實地考察。到山腳時咁啱撞正林氏嘅牧牛細路,問座山係咩名,而林氏牧牛細路用土話講係「梁金山」[註 1],最後衙門官員決定將座山改名做「梁金山」。

考察結果[編輯]

後嚟江門當地有關文化部門過到座山考察過,原先金村一帶有金氏啲人住過,後嚟梁氏啲人搬入,尤其梁儲太師成為名人之後,梁氏家族開始越嚟越多人入住,而金氏啲人搬走嗮。後嚟道人梁金喺座山上煉過丹[註 2]。喺眠犬望月峯定有座大明時期起好嘅顯太始祖梁金公墓,由於官場失意後返到家鄉隱居,希望煉丹成仙。梁金死咗之後,家人將佢葬喺眠犬望月峯嘅煉丹灶隔籬。

概況[編輯]

座山海拔456米,東北-西南走向。跨國月山水口長沙沙塘等鎮,有成廿公里長。個景區都幾靚,從古代開始,一直吸引咗好多文人學士入嚟避暑、登高、遊覽、寫詩做對聯。而家座山南坡已經開發成公園,有登山水泥公路同金山閣、開萃塔、勝蓮庵、兒童遊樂場、泳池、飛機展覽館、金龍出山等等遊樂設施響度。

[編輯]

  1. 喺江門鄉下地區嘅粵語土話入面,「林公」同「梁金」兩個字嘅讀音都係諧音。
  2. 開平舊縣誌有寫到:「清朝本地舉人甄芑登梁金山時,曾寫一賦,扶林邊之丹灶」

連出去[編輯]