楓園下

楓園下，亦寫楓園廈，喺帽峰山北麓嘅九佛片丘陵地帶，係屬廣州市黃埔區九龍鎮楓下行政村管嘅村。楓園下佔地12.8km²，有鳳凰河流經。清代屬番禺縣慕德里司^[1]，1960年屬廣州市郊區九佛公社新風大隊，1984年屬白雲區九佛公社楓下大隊，1986年屬白雲區九佛鎮楓下村，2004年6月屬白雲區鐘落潭鎮九佛片楓下村，2005年8月屬蘿崗區九龍鎮楓下村。2010年開始，呢個村被劃分屬中新知識城嘅一部分。2015年9月開始屬黃埔區九龍鎮楓下村^[2]。

世居村民多數姓馬。南宋時期，始祖馬地龍帶住馮氏、阮氏由新會金紫街遷入。2015年年尾，戶籍人口約莫7300。居民都係漢族，屬廣府民系^[2]。