樂韻播萬千

樂韻播萬千（Music for the Millions），香港一歌一曲，廣東歌來，顧嘉煇作曲，音樂統籌處一眾職員填詞。首歌實情叫樂韻播萬千主題曲（"Music for the Millions" Theme Song），為一九七八年樂韻播萬千音樂會而寫，成為往後同名音樂會嘅主題曲。音樂統籌處後來改名音樂事務處，一直都有傳唱依首歌。年復年唔少學生仔學到依首歌，兼且又有改編成中樂、弦樂、管樂小組合奏同埋樂隊演奏，有啲學校亦有教學生唱，話雖鮮見於大眾傳播媒介，喺香港亦稱得上廣傳歌曲。

詞

歌詞講解處方宗旨志向，原曲甚短，約分半到。當年音樂統籌處係香港政府部門，負責民間推廣優雅音樂，有組織向學生教授合唱同種種樂器。故此歌詞正正寫出佢嘅工作。

為共鳴為志趣，樂壇步向新風氣，集熱情集勇氣，青春少年一齊來。

為共鳴為志趣，杏壇社區鄉村去，妙律為你奏，樂韻播萬千。

清曲飄渺聲悠悠，身心舒暢笑盈盈。練唱歌，奏器樂，心中滿樂趣。

清曲飄渺聲悠悠，身心舒暢笑盈盈。練唱歌，奏器樂，心中滿樂趣。

杏壇為孔子教學授徒嘅地方，引喻為教育同學校。英文題名the millions，指數百萬人，以一九七八年計，香港四百六十八萬人有餘。