模塊化建築

西班牙華倫西亞嘅預製樓房。

模塊化建築（粵拼：mou4 faai3 faa3 gin3 zuk1）係講緊由一啲重複嘅部分（稱為模組）組成嘅預製建築物。模組化建築嘅做法係喺地盤外嘅地方製造各個部分，然後再將啲部份運送到指定嘅地點。預製嘅部分會喺地盤度砌埋一齊形成最後嗰棟成品。

預製嘅部分有時會用起重機嚟放置。呢啲模組可以並排、頭尾相接或者疊起嚟擺，可以砌出唔同嘅設計同款式。擺好之後，啲模組會用模組連接件（又叫做相互連接件）連接埋一齊。呢啲連接件將獨立嘅模組連接做整座建築物嘅結構。