模擬市民2

《模擬市民2》（英文：The Sims 2；簡體中文：《模拟人生2》）係美國藝電公司（Electronic Arts）2004年9月14號發行嘅一款電子遊戲，由該公司嘅Maxis小組開發。

主遊戲

《模擬市民2》係《模擬市民》嘅續作，比前作有巨大嘅革新。採用新嘅圖像引擎，甚至令玩家喺建設人物時就可以獲得巨大嘅娛樂性。呢一輯引入咗基因係統，令模擬人下一代有上一代模擬人嘅特性。上代遊戲中嘅模擬市民係唔會長大、唔會老死，而喺呢一代嘅遊戲中，人物需經歷5個唔同嘅人生時期（喺《模擬市民2：夢幻大學城》中，如果人物被送往大學進修，就要經歷6個唔同嘅人生時期）。家庭成員之間嘅關係比前作完整得好多，尤其係結婚係統及生育係統，玩家甚至可以延續一個家族嘅家譜。本作嘅人物亦引入咗更佳嘅思想系統，佢哋會有欲望，玩家可以喺設計人物時制訂人物嘅終生志向，令人物終身為此而奮鬥。欲望系統有6個終生欲望（另有一個隱藏嘅烤芝士終生欲望，由失敗嘅改變終生欲望產生），6個欲望等級，透過達成人物嘅欲望，欲望等級就可以提升。大學資料片重加入咗影響等級，朋友越多影響等級越高，人物可以利用影響值命令另一個人物執行動作，例如：寫作業、打掃同埋惡作劇等。而喺平常生活下，班人物都有期望，無論係正面嘅或係負面嘅。喺新嘅係列中，人物可以通過更現實嘅約會同埋派對來結識異性。唔似前作，本作人物生育需要經過一個懷孕期（大約三日），肚皮會愈來愈大，而前作僅僅係詢問一下就得到下一代。而一啲重大嘅事都會令到人物記憶深刻，例如：死亡、葬禮、初吻、初戀、學識行路、學識去廁所、學會講嘢等等。記憶將會影響人物一生嘅行為。

№	資料片（繁 / 簡）	組合包
1	夢幻大學城 / 大學城（2005年發行）	歡樂家庭組合（2006年發行）
2	美麗夜未眠 / 夜生活（2005年發行）	時尚生活組合（2006年發行）
3	開店達人 / 我要開店（2006年發行）	冬季派對組合（2006年發行）
4	寵物當家 / 寵物當家（2006年發行）	玩樂派對組合（2007年發行）
5	度假四季 / 繽紛四季（2007年發行）	H&M流行組合（2007年發行）
6	環遊世界 / 遊遍天下（2007年發行）	年輕潮流組合（2007年發行）
7	玩耍時光 / 休閑時光（2008年發行）	廚浴美學組合（2008年發行）
8	公寓生活 / 公寓生活（2008年發行）	IKEA家具設計組合（2008年發行）
9		花園別墅組合（2008年發行）

資料片

File:Sims2 ep1.jpg

夢幻大學城 發行時間：2005年3月 《模擬市民2》第一個資料片。玩家可以將家庭中嘅青少年送入大學讀書，有時大學生會喺宿舍裸跑，成為喺大學城社區當中居住嘅準成人。遊戲新增咗命理界、演藝界、藝術家、生物學家，四種唔同嘅職業。只有完成咗大學嘅人物可以選擇新職業，並且擁有額外兩個「影響力心願」格子。資料片新增人種：殭屍。玩家對死亡嘅人物進行復活手續唔完整時，死亡嘅人物就會以殭屍嘅姿態復活。熊人。佢會半夜摷你屋企嘅垃圾。

File:Sims2 ep2.jpg

美麗夜未眠 發行時間：2005年9月 《模擬市民2》第二個資料片。遊戲內新增咗「都會中心」，玩家可以將人物送往「都會中心」內進行娛樂、約會，以及參加各種聯誼活動，例如打保齡球、打牌、跳舞、去餐館食飯等等。喺呢個版本中，人物可以買自己嘅汽車，唔一定要再靠搭的士出街。資料片新增人種：吸血鬼。喺遊戲內，吸血鬼係以NPC嘅身份登場，而該NPC可以藉「咬頸」嘅動作將玩家操縱嘅人物轉變為吸血鬼。

File:Sims2 ep3.jpg

開店達人 發行時間：2006年3月 《模擬市民2》第三個資料片。遊戲新增咗「碧水村莊」。玩家可以操縱人物，買不動產、經營店舖，甚至請鄰居作為員工。舖頭可以開喺公共區域或者住宅內。資料片新增人種：機械人。由工藝技能高超嘅人物製造。啟動之後，部機械人就成為家庭成員。機器人只靠太陽能就可以維持運作，冇壽命嘅限制。

File:Sims2 ep4.jpg

寵物當家 發行時間：2006年10月 《模擬市民2》第四個資料片。玩家可以飼養狗同埋貓作為寵物，並訓練自己嘅寵物來賺錢。玩家可透過責罵方式阻止寵物進行某啲行為，以及透過稱讚方式來鼓勵寵物。遊戲新增咗保全業、娛樂業、服務業三種唔同嘅寵物職業，就似係模擬人嘅工作，寵物必須履行一啲事來贏得晉升。資料片新增人種：狼人。模擬人被狼群嘅頭狼咬過後就會成為狼人。企鵝。佢朝早有可能會偷入你屋企。

File:Sims2 ep5.jpg

度假四季 發行時間：2007年2月 《模擬市民2》第五個資料片。遊戲中新增咗四季天氣係統 — 春季時落雨同埋打雷、夏季嘅炎熱天氣令人面紅耳熱、秋季時滿地落葉、冬季時落住令人醉心嘅白雪，呢啲都令玩家享受到各個季節帶來嘅樂趣同埋真實感，此外玩家亦須注意溫度唔會令到市民生病。遊戲亦新增咗對應唔同季節嘅活動元素 — 春季嘅花園種植系統同埋撲蝶、夏季嘅水池遊戲同埋捉撲螢火蟲、秋季嘅釣魚活動同埋農作物收穫、冬季嘅溜冰活動同埋搭建雪天使等。資料片新增人種：植物人。綠色植物人來自自然嘅田園大地（其實係農藥中毒造成嘅變異），只有陽光，水分，愛心呢三項需求。同機械人相似嘅係綠色植物人可以用一盞特殊嘅吊燈，滿足植物人嘅「陽光需求」。

File:Sims2 ep6.jpg

環遊世界 發行時間：2007年9月 《模擬市民2》第六個資料片。模擬市民可以探索三個各有特色嘅旅遊景點，包括三湖、嶽水村莊及多基基島嶼，並喺旅遊區購買度假小屋或入住酒店套房。此外重可以穿戴耳環、戒指、項鍊等嘅飾物，以及喺旅遊景點遇上忍者、海盜、火焰舞者、老隱士，甚至係景區扒手等嘅NPC人物。資料片新增人種：大腳。用地嘅「守護者」。扒手。佢會喺同模擬市民互動時偷走模擬市民嘅財物。呢個扒手嘅名稱為討厭嘅江湖術士。

File:Sims2 ep7.jpg

玩耍時光 發行時間：2008年2月 《模擬市民2》第七個資料片。模擬市民能夠發掘及享受各種嘅閒暇活動，例如運動、工藝、音樂、舞蹈、修車、科學探究、烹飪等，並透過呢啲嗜好來發展事業，實現個人嘅終身期望，解開秘密獎勵；或係喺隱密用地上結識志同道合嘅新朋友。遊戲新增咗娛樂業、舞蹈業、建築業、情資業、水產科技業五種唔同嘅職業。資料片新增人種：精靈。佢會送3個期望畀你。

File:Sims2 ep8.jpg

公寓生活 發行時間：2008年8月 《模擬市民2》第八個資料片。呢款《模擬市民2》資料片令你嘅模擬市民踏出近郊住宅，搬入嶄新繁忙嘅公寓大樓！隨住佢哋探索周圍嘅新環境、出入咖啡店、造訪遊樂場、會見新朋友等，將展開一連串等住佢哋嘅冒險、樂趣同埋戲碼。由於喺《模擬市民2：公寓生活》能夠控制多戶人家，模擬市民可以過快樂融洽或係滑稽衝突嘅生活。資料片新增人種：巫師（術士或女巫）。分為善良、中性、邪惡、殘酷嘅邪惡三大陣營（邪惡均為一個陣營），唔同嘅陣營可以施展唔同嘅魔法，每個陣營大約有四十種魔法。巫師重可以製造各種魔藥，需要去自己所屬陣營嘅秘密會所買原材料。巫師重會騎飛天掃帚周圍遊盪，成為重要嘅交通工具。早喺一代嘅時候，魔法就係一個受歡迎嘅題材。

組合包

File:Sims2 sp1.jpg

歡樂家庭組合 發行時間：2006年4月 《模擬市民2：歡樂家庭組合》係第一款官方出版嘅《模擬市民2》嘅「組合」，於2006年4月13號發行。以兒童為主題嘅物件光碟，新增童話、奇幻等風格嘅家具以及服飾。

File:Sims2 sp2.jpg

時尚生活組合 發行時間：2006年8月 《模擬市民2：時尚生活組合》係《模擬市民2》嘅第二款組合，於2006年8月31號發行。以時尚為主題嘅物件光碟，新增咗流行藝術繪畫、組合式梳化、高級音響、皮草大衣等嘅華麗物件。

File:Sims2 sp3.jpg

冬季派對組合 發行時間：2006年11月 《模擬市民2：冬季派對組合》於2006年11月7號發行，係《模擬市民2》嘅第三款組合。內容除咗包含佳節時刻組合嘅所有物品外，重新增咗中國農歷新年、日本新年、德國傳統節慶等節慶主題嘅家具以及服飾。《模擬市民2：冬季派對迷妳組合》設計畀已有主程式同埋佳節時刻嘅玩家，等佢哋可以喺網上畀錢下載冬季派對組合所新增嘅20種物件。

File:Sims2 sp4.jpg

玩樂派對組合 發行時間：2007年4月 《模擬市民2：玩樂派對組合》係《模擬市民2》嘅第四款組合，於2007年4月3號發行。以派對為主題嘅物件光碟，新增咗生日、婚禮等派對嘅家具以及服飾。

File:Sims2 sp5.jpg

H&M流行組合 發行時間：2007年6月 《模擬市民2：H&M流行組合》係《模擬市民2》嘅第五款組合，於2007年6月5號發行。以H&M為主題嘅物件光碟，新增咗H&M相關嘅服飾、收藏品同埋購物商店。

File:Sims2 sp6.jpg

年輕潮流組合 發行時間：2007年11月 《模擬市民2：年輕潮流組合》係《模擬市民2》嘅第六款組合，於2007年11月5號發行。以青少年為主題嘅物件光碟，新增咗新嘅臥室裝潢風格（哥德、活潑滑板者、上流社會）、青年服飾同埋髮型。

File:Sims2 sp7.jpg

廚浴美學組合 發行時間：2008年4月 《模擬市民2：廚浴美學組合》係《模擬市民2》嘅第七款組合，於2008年4月15號發行。以廚房同埋浴室為主題嘅物件光碟。

File:Sims2 sp8.jpg

IKEA家具設計組合 發行時間：2008年6月 《模擬市民2：IKEA家具設計組合》係《模擬市民2》嘅第八款組合，於2008年6月23號發行。以客廳、臥房、與及辦公室專用嘅IKEA經典家具為主題嘅物件光碟。

File:Sims2 sp9.jpg

花園別墅組合 發行時間：2008年11月 《模擬市民2：花園別墅組合》係《模擬市民2》嘅第九款組合，於2008年11月17號發行。華麗嘅建築同埋環境美化項目加上三個新嘅裝飾主題（摩洛哥，裝飾藝術同埋第二帝國）。