模擬市民

模擬市民
The Sims Coverart.png Microsoft Windows 版本嘅封面
類型	社交模擬遊戲
平台	Microsoft Windows, Mac OS, Mac OS X, PlayStation 2, GameCube, Xbox
整	Maxis Edge of Reality (consoles)
發行	Electronic Arts Aspyr Media (Mac OS) EA Games (consoles)
制作人	Kana Ryan
設計師	Will Wright
編劇	Sean Baity
程序	Jeffrey Charvat Jim Mackraz
音樂	Jerry Martin Marc Russo
美工	Charles London
系列	模擬市民系列
模式	單人電子遊戲
發行日期	Microsoft Windows 北美: February 4, 2000 歐洲: February 11, 2000 日本: April 2000 Mac OS 北美: July 25, 2000 PlayStation 2 北美: January 14, 2003 歐洲: January 31, 2003 GameCube & Xbox 北美: March 25, 2003 歐洲: April 4, 2003

《模擬市民mou4 ji5 si5 man4》（英文：The Sims），又有譯做《模擬人生mou4 ji5 jan4 sang1》，係由美國著名遊戲發行商藝電公司（EA）喺 2000 年 2 月 4 號發行嘅一隻人生模擬遊戲，由嗰間公司旗下嘅 Maxis 小組喺著名遊戲設計師威爾·萊特（Will Wright）領導下開發。開發隻遊戲嘅原意係想佢做（大受歡迎嘅）《模擬城市系列》嘅一個延伸。

《模擬市民》取得咗巨大嘅成功－隻遊戲廣受評論家讚賞，一出就成為 2000 年全美國最好賣嘅電子遊戲，後嚟仲贏咗多份獎項，成為咗廿一世紀初最出名嘅電子遊戲之一。因為《模擬市民》咁受歡迎，藝電公司仲同佢整咗多部續作，例如 2004 年出嘅《模擬市民 2》噉。

設計特性

《模擬市民》顧名思義重點在於模擬啲虛擬人（叫 sims）嘅人生：玩家能夠控制一座虛構城市嘅市郊區，可以幫啲模擬人買屋同起屋，起完屋仲有得買各種嘅傢俬嚟佈置家居；跟住玩家仲可以創建模擬人，幫啲模擬人改名，設定佢哋嘅性別、樣以至性格呀噉，然後再擺啲模擬人喺笪市郊區度生活；原則上，玩家要照顧啲模擬人－啲模擬人生存就要滿足各種嘅需要，例如肚餓要食嘢、眼睏要有地方睏覺、身體污槽咗要有地方沖涼... 呀噉，模擬人要有嘢食有傢俬用就要有模擬錢，要有錢就要用返工等嘅方法賺錢，要賺得多錢就要升職，而升職又需要努力做嘢同埋有技能；玩家可以選擇悉心管理啲模擬人，令佢哋拍得成拖、成家立室同埋事業有成，但隻遊戲又有極高自由度，玩家可以特登破壞啲模擬人嘅生活，要佢哋（例如）生活喺垃圾當中，甚至整死啲模擬人。

《模擬市民》係《模擬城市》（英文：SimCity）嘅延續，玩家可以操控模擬人物進行日常生活、社區交流以及建造房屋。喺一個模擬嘅世界裏面，仿造真實嘅情境，控制生理同埋精神嘅需求。人物唔會衰老，除咗意外（意外包括火災、浸親、饑餓等），人物唔會自然地死亡。同時，人物並唔會成長（嬰兒除外），除咗使用魔法世界內嘅魔法外，細路永遠唔會成長。

資料片

№	資料片（繁 / 簡）
1	美麗人生 / 美好生活（2000年發行）
2	歡樂派對 / 歡樂派對（2001年發行）
3	非常男女 / 燃情約會（2001年發行）
4	歡樂假期 / 我在休假（2002年發行）
5	寵物世代 / 家有寵物（2002年發行）
6	超級巨星 / 超級明星（2003年發行）
7	魔法世界 / 魔幻天地（2003年發行）

File:Sims ep1.jpg

美麗人生 發行時間：2000年9月 《模擬市民》第一個資料片。

File:Sims ep2.jpg

歡樂派對 發行時間：2001年3月 《模擬市民》第二個資料片。

File:Sims ep3.jpg

非常男女 發行時間：2001年11月 《模擬市民》第三個資料片。

File:Sims ep4.jpg

歡樂假期 發行時間：2002年3月 《模擬市民》第四個資料片。

File:Sims ep5.jpg

寵物世代 發行時間：2002年9月 《模擬市民》第五個資料片。

File:Sims ep6.jpg

超級巨星 發行時間：2003年5月 《模擬市民》第六個資料片。

File:Sims ep7.jpg

魔法世界 發行時間：2003年10月 《模擬市民》第七個資料片。

睇埋

• 模擬