橋頭 (大埔)

橋頭，香港一地，喺新界，南華莆同和合石之間嘅地方，英文寫Kiu Tau。地為粉嶺公路交匯處所在。橋頭之西，開咗條橋頭路，由大窩西支路去和合石墳場。橋頭有亭，為搭巴士嘅人有得避雨避曬。

史

橋頭原本地方，位處山坳平原位，九廣鐵路以西地方，有條橋過麻笏河，麻笏河水來自九龍坑同南華莆，向粉嶺流，而佢周圍都係田地。橋路接通大埔道同九龍坑一帶嘅路。大埔道一邊，曾經有安發農場。原橋原河連帶田地，已埋喺粉嶺公路下，河亦改成人工河道，位置亦唔同。

有粉嶺公路之後，依帶嘅大埔道，改名大窩東支路，有條行車天橋橫跨公路同鐵路，駁通大窩東支路同大窩西支路，為九龍坑、大窩、元嶺主要通道。

因為要起公路去新開嘅香園圍關口，就拆咗條橋，起咗粉嶺公路交匯處，另喺元嶺起天橋。改動雖則天翻地覆，橋頭個名一直保留落來，成為依一帶地名。