歌連臣角道

歌連臣角道

歌連臣角道（英文：Cape Collinson Road），又寫做哥連臣角道，係香港柴灣一條馬路，由大潭峽石澳道近大潭道交界開始，另一邊係掘頭路，去到歌連臣角懲教所，約莫長4.1公里。

歌連臣角道個名雖然嚟自「歌連臣角」呢個海角（又叫「黑角頭」），但條路並無直接通去嗰度，兩者相隔約莫0.8公里距離，要再行多段山路先至到。

歌連臣角道沿路有好多墳場，而大部份人通常都會用「歌連臣角」去代表「歌連臣角道」沿路嘅地方。

歌連臣角道主要分做兩段，以連城道做分界，東面路段係雙程行車，西面路段絕大部份係單程西行（只有來往歌連臣角火葬場一小截仔係雙程行車），所以由大潭峽係唔可以直通去歌連臣角嘅，一定要經柴灣連城道入去。