毛奇齡

毛奇齡
出生日	1623年
死亡日	1716年
國籍	大清、大明
識嘅語言	文言文、早期官話
信奉	儒家
學位	進士
職業	畫師、哲學家、書法家、詩人、史學家、ci lyric writer
配偶	Zhang Manshu、Chen He
[改維基數據]

毛奇齡（1623年—1716年），字大可，又字於一，號西河，又號河右、初晴、晚晴，係明末清初浙江蕭山人。

屋企

毛奇齡係毛萬齡細佬。

平生

早年

細個好鬼叻，十三歲就應童子試，主考官陳子龍見佢咁後生，就講笑咁講：「黄毛未退，亦來應試？」毛奇齡就答返佢：「鵠飛有待，此振先聲。」，在場各人都嚇咗嚇。之後清兵南下，佢同沈禹錫、蔡仲光、包秉德避兵深山，起土室讀書，講過：「元明以來無學人，學人之絕斯三百年矣。」

入仕

康熙十八年（1679年）舉博學鴻儒，授翰林院檢討，充史館纂修。康熙二十四年（1685年），任會試同考官，康熙二十六年（1687年）因為兩膝腫脹，關節僵硬，辭職歸隱。

退隠

佢退隠後住響杭州竹竿巷，大佬毛萬齡屋企。佢由此專心著述。

康熙五十五年（1716年）病逝，葬響蕭山北乾後浦攤。

思想

毛奇齡唔中意朱熹理學，反對朱熹理學。佢的弟子收集佢舊文，好似編撰《四書改錯》以攻擊朱熹《四書集注》。重有寫過《古文尚書寃詞》，《尚書廣聽錄》，《舜典補亡》。佢又寫咗部《仲氏易》，將宋人講《易經》推翻。毛奇齡認為周敦頤個《太極圖》，係來自道佛獻。又寫過《湘湖水利志》三卷、《蕭山縣縣志刊誤》三卷等。