民國無雙

出自維基百科,自由嘅百科全書
Jump to navigation Jump to search
民國無雙
類型 回合制策略遊戲
平台 Microsoft Windows
chenglap、Swashbuckler等
設計師 chenglap、Swashbuckler等
許可協議 私有免費軟件
模式 單人
發行日期 2009年11月13日(0.7版)
最新正式 1.4/
2013年4月26號;6年之前 (2013-04-26)
最新試玩 1.4測試戊2版/
2013年4月10號;6年之前 (2013-04-10)
儲存裝置 下載
輸入設備 鍵盤,滑鼠

民國無雙》,拉丁名Res Publica Sinarum,係電腦遊戲,以中華民國大陸時期軍閥背景,互相競逐。遊戲免費,回合制策略遊戲,概念來《大時代的故事》。《民國無雙》復刻大時代的故事,允許玩家可修改到遊戲引擎。

二零一零年七月,《民國無雙》發行首個正式版本1.0版。遊戲由香港遊戲工程師鄭立同台灣國立中正大學歷史研究所學生張承洲合作編寫。遊戲發佈一個月,中華人民共和國文化部便以「嚴重影響國家文化安全」為由,禁止《民國無雙》喺中國流通[1]

故事情節[編輯]

民國初期,袁世凱死後,無人有足夠力量支配全中國。北洋政府主政下,因為府院之爭、貪污腐敗同軍閥割據,動蕩不安。孫中山理解到,需要自己軍隊革命,遂採用聯俄容共國共合作嘅策略。一九二五年,蘇聯協助改造國民黨,成為列寧式政黨,黃埔建軍完成,共產黨員開始以個人身份加入國民黨,但此時孫中山到達北京後發病,賫志以歿。

遊戲內容[編輯]

遊戲以一九二五年東亞做背景,內置勢力廿六個,玩家可揀任何勢力,或者自創陣營。遊戲允許玩家,扮演任何想扮演嘅軍閥,在民初時代改變歷史,例如統一東亞[2]

遊戲開發[編輯]

《民國無雙》原生於批踢踢實業坊架空歷史板,該版長久以來,就有自制即時戰略遊戲嘅構想。二零零九年九月, chenglap 發佈咗一則遊戲企劃,復刻漢堂嘅《大時代的故事》,將中國近現代史,由北伐到對日抗戰,成段歷史實作為單機版遊戲。遊戲地圖系統參考《提督之決斷二》,而戰鬥系統則參考《戰國蘭斯》。二零零九年十一月十三號,作者發佈beta7版,定名為《民國無雙》。二零一零年二月開始,擴大咗製作組,好多志願者製作遊戲元件,經歷多次修正後,《民國無雙》1.0版於二零一零年七月廿一號面世,1.1版於同年九月廿九日公開,1.3版於二零一一年六月廿九號公開[2]

各方反應[編輯]

中華人民共和國查禁[編輯]

中華人民共和國文化部認為民國無雙「嚴重影響國家文化安全」,嚴禁此遊戲[3]。各地文化局按照文化部要求,組織文化稽查執法人員對轄區內網際網路上網服務營業場所進行全面檢查[4],如果電腦內已經安裝民國無雙遊戲,要立即卸載[5]。 民國無雙喺土豆網嘅遊戲影片,以及遊俠網嘅討論,全遭刪除,貼吧關閉。二零一一年八月,《民國無雙》喺中國大陸建立官網,遭到查禁。

遊戲模組[編輯]

遊戲主程式內建修改器,《民國無雙》允許並鼓勵玩家自行創造遊戲模組[2]。遊戲在發佈以後,好快玩家發佈各個版本,有滿洲國台灣民主國大韓民國為題嘅模組[2]

[編輯]

  1. 現代三國志 25萬人瘋民國無雙
  2. 2.0 2.1 2.2 2.3 Chenglap. "民國無雙官方網站". 喺2010-09-16搵到. 
  3. 鍾山區人民政府 (2010-08-17). "鍾山區文化稽查執法人員對市中心城區網吧進行網絡遊戲檢查". 

    近期,網絡上出現一款名為《民國無雙》的非法遊戲,該款遊戲內容嚴重影響國家文化安全。按照文化部要求,鍾山區文化局喺接到通知後,立即組織文化稽查執法人員對轄區內互聯網上網服務營業場所進行專項突擊檢查。

  4. 大慶市讓胡路區人民政府 (2010-08-23). "銀浪街道嚴厲禁止《民國無雙》等網絡遊戲進入文化市場". 

    按照區文化局關於制止《民國無雙》網絡遊戲及圖書進入網吧和書店經營的通知,近日,銀浪街道文化稽查人員利用週末休息時間,對轄區內所有網吧、書店進行了全面檢查…

  5. 大連經濟技術開發區網絡文化協會 (2010-08-14). "關於"全區所有網吧場所停止一切娛樂活動"的緊急通知". 

    按照上級指示,禁止安裝及運行《民國無雙》遊戲,如果電腦內已經安裝,要立即卸載。

出面網站[編輯]