水邊河

水邊河（粵拼：seoi2 bin1 ho4）係中國廣東嘅河，亦係連江水系嘅支流，成條喺清遠英德境內。全長78km，流域面積837km²。

概況

呢條河最先喺英德地區西邊嘅洛家塘一帶開始流出，最先以地下河形式行，行到英西峰林走廊後出地向南，離開英西峰林走廊景區後轉向東，喺版下社轉向東南；到克巖村後轉向南，去到洞天仙境一帶轉入地下河，離開洞天仙境後出地向東南，經過峰林小鎮東北角嘅滑翔傘基地一帶，跨過惠清高速公路後轉向東；經過金造村同寶溪村、花塘村，喺西牛鎮同支流匯合後轉向北行；喺長黎鄉附近轉向東，兜過兩座山同埋沙壩村，喺五角村近竹子腦一帶同支流匯合；跟住轉向東北，經過水邊鎮一帶，去到耕好圍鄉後轉向北，跟住兜幾個彎，最後喺水邊鎮東北角同連江匯合。

全景

水邊河嘅部份全景（2021年10月5號15:46喺洞天仙境影）

有關嘅書

• 《中国河湖大典》编纂委员会 (2013年1月)。《中国河湖大典·珠江卷》 (第1版)。北京：中国水利水电出版社。頁 246页。ISBN 978-7-5170-0561-2。