永慶坊

近住恩寧路嘅永慶坊牌坊

永慶坊（粵拼：wing5 hing3 fong1）係中國廣東廣州一南北走向嘅內街同創意園區，喺荔灣區恩洲社區一帶，南起恩寧路，北到荔枝灣涌邊近粵劇藝術博物館後邊。前身係永慶大街、永慶一巷同永慶二巷。

2012年底由荔灣區人民政府同萬科合作開發，直到2016年9月30號開園之後而變成商務辦公同創意園地帶，2018年10月24號因習近平訪問而多咗遊客扎推觀光。區內部分屋宇仍有街坊住緊。