江錦鑫

江錦鑫（1967年－），祖籍福建福州，美國籍親中派華裔商人兼律師。

公職

• 美國紐約中美商會會長

早年生涯

佢喺福建省福州市嘅一個普通農民家庭長大，五歲跟住屋企人移居香港，15歲隻身離開香港前往紐約發展投靠親人，初初與餐飲業為主。

去到2001年，美國因為九一一事件，紐約曼哈頓地區經濟受到重創，佢趁低入市，大舉投資當地房地產，賺取第一桶金。之後佢一度與保險公司工作，但之後好快就俾帶入律師行業。後來，佢亦陸續投資唔同行業。

之後，佢亦參與一啲喺北京政府支持下當地嘅華人僑領工作，雖然長年喺美國生活，但就一直自視係中國人。喺武漢肺炎疫情期間，佢亦從美國大量直送醫療物資前往中國。

爭議

以馬斯克之名詐騙

喺2023年，佢作為主席參與創立「華爾街雜誌」(Wall Street Magazine)，首期刊物以特斯拉CEO伊隆馬斯克作封面，聲稱佢本人會親自到場參與一場雜誌相關嘅宴會，結果吸引咗唔少人，有人甚至花咗一萬蚊美金報名。但結果佢只係搵咗假貨出嚟，結果引起眾怒。