油柑子

出自維基百科,自由嘅百科全書
跳去導覽 跳去搵嘢

油柑子(學名:Phyllanthus emblica),又古稱餘甘子,葉下珠科葉下珠屬,分布於印度斯里蘭卡印度尼西亞馬來西亞菲律賓南美臺灣香港江西福建廣東海南廣西四川貴州雲南以及中南半島等埞,生長於海拔200米到2300嘅地區,喺山地疏林、灌木叢、荒地或者山溝啲向陽處多見[1],亦都有人工種植。生食得,味酸、微苦而甘香,食用後先苦後甘,口有餘甘味,生津止渴。乾葉做得枕頭芯。又藥用得。

名稱[編輯]

庵摩羅果米含(廣西隆安)、望果(雲南文山)、木波(雲南傣語)、七察哀喜(雲南哈尼)、噜公膘(雲南瑶族)、滇橄欖油甘子(華南)[1]油甘潮州話)、油柑子(香港)、油柑(日語:油柑)。

古有梵文譯名「庵摩勒」「庵摩羅迦」(梵文āmalaka),記載有喺晉代嵇含本《南方草木狀》與及明代姚可城本《食物本草》入便。梵語名亦都着馬來話借用,即馬六甲樹馬來話Pokok Melaka),後尾成爲馬六甲個名嘅起源。

特徵[編輯]

油柑子一般高約1至3米,生長喺灌叢或者疏林入便。花期為4到6月而果期為7到9月。花細而黃綠色,喺枝條上簇生,果實球形,直徑約1.5厘米。葉片兩列排,羽狀複葉,葉線狀長圓形,頂鈍圓或者截平,有銳尖頭或者微凹,基部淺心形而稍偏笡,上面綠色,下面淺綠色,長0.8-2厘米,寬2-6毫米,乾後淺褐色或者帶紅色,近無柄;落葉嗰陣成條細枝甩落;托葉線狀披針形,長1.2-2.5毫米,褐紅色,邊緣有睫毛。花簇生於葉腋,花細,黃色;單性,雌雄同株,具短柄;每花簇有1朵雌花,花梗長0.5毫米,花盤杯狀,包藏子房達一半以上,邊緣撕裂,每花有花萼5-6片,長圓形或者匙形,較厚,邊緣膜質,多少具齒無瓣,子房卵圓形,子房上位,3室,花柱3,基部合生,頂端再2裂;雄花雄蕊3,花絲合生成0.3-0.7毫米嘅柱,花藥直立,長圓形,頂端具短尖頭。蒴果呈核果狀,圓球形,直徑約1.5厘米,外果皮肉質,淺綠色,初為黃綠色,熟後呈赤紅色,內果皮硬殼質;隻種略帶紅色。花期4-6月,果期7-9月。[2]

名產地及風俗[編輯]

南方油柑子風味過於橄欖,多販入北州。方實時,零落藉地,如槐子、榆莢。土人乾以合湯,意味極佳。其木可以制器,欽陽所產為最。蓋大如桃李,清芬尤甚也。世間百果,無不軟熟,唯此與橄欖雖腐尤堅脆,可以比德君子。南人有言曰:「餘甘一時熟,獐一日肥。」其說:蓋二物忽然有異,則餘甘熟一時頃而復生,獐肥一日而復瘦也。欽州靈山縣一士人姓寧,其大父一日往山間,忽見餘甘遍山,如來禽紛熟。飽餐快甚。須臾便復青脆,袖中猶攜數熟餘甘,歸以示閭里,至傳為異事。——《嶺外代答・花木門果實附草附》

  • 產於廣東汕頭市潮陽區谷饒鎮嘅谷饒獅頭油甘係其中一個名優品種,鮮食得,加工後製成佐餐餸又得,仲加工得成高級蜜餞。
  • 香港荃灣油柑頭一帶盛產油柑子,所以得名,亦有油柑頭村
  • 中國大陸油柑子一般喺秋分前後收穫並上市,係中秋拜月佳果。
  • 用鹽或者甘草、白糖等可以醃製成「咸油甘」同埋「甘草油甘」。
  • 南印度一帶亦都有捉佢製成醃製品嘅風俗。

[編輯]

  1. 1.0 1.1 昆明植物研究所. "餘甘子". 《中国高等植物数据库全库》. 中国科学院微生物研究所. 原著喺2014-11-29歸檔. 喺2010-01-29搵到.
  2. 余甘子 Yuganzi

讀埋[編輯]

维基文库中的相关文本:欽定古今圖書集成·博物彙編·草木典·餘甘子部》,出自蔣廷錫古今圖書集成

連出去[編輯]