油麻地

1880年嘅油麻地海皮

油麻地渡船角

油麻地（粵拼：jau4 maa4 dei6*2，英文：Yau Ma Tei），以前多數寫做油蔴地，係香港九龍半島西岸中段一個地方。油麻地係九龍市區來講，發展得比較早個一段，以前係漁船集中嘅地，市區就係同漁民做生意發展出來，對開有油麻地避風塘，家下變成貨船上貨落貨嘅地方。而市區商住混合為主，呢處工業已經息微。市區中心圍住九龍彌敦道。行政上佢係歸油尖旺區。

歷史

響英國1860年得到九龍之前，呢塊地名不經傳。根據口耳相傳，油麻地有個更古老嘅名，叫大石剌（剌讀肋），就係一排大石。。不過1863年九龍地圖上亦無呢個地方。油麻地相信係水上蜑家人船集聚集嘅海皮。而根據天后廟裏面1870年（即係同治九年）立嘅碑記，當時呢度稱為「蔴地」，係漁民曬船上麻纜嘅地方。油麻，即係芝麻，係對漁民好重要嘅產物，因為佢嘅油，補船補網都要用到。後尾因為呢度好多漁民整船，芒角同其他村嘅人來開舖。慢慢呢度多人，變做市集，重開始有組織街坊。街坊就係後尾大型嘅油蔴地天后廟搞手，睇返重修記錄，個廟要重修嘅年份同大颱風襲港年份配合。

交通

呢區最主要路係彌敦道、廣東道同窩打老道。